وجت أخر رسايلها ... صباح الخير ..

اخر رسايلها الى قلبي .. عتاب ..
... تشكي جور الليالي .. وظلمها ..
ماكنها كانت الى نفسي " سحاب " ..
... وكنت انا مثل السما .. " اضمّها "
تقول اشوفك .. حلم .. واصحى بك " سراب "
... وكل نسمها من الطيوف .. اخمها ..
قاعك الي دستها ... وحتى التراب ..
.... ودي بس من الحنين .. اشمّها ..
يابعيد ارجع ... ترى اعياني " الغياب "
.... كل ساعه في البعاد .. أذمها ..
من رحلت .. وشفت بعيوني .. العذاب ..

... حتى الثواني .. شرّبتني سمّها ..
اسال الدنيا .. ولا ألقى جواب ..

... " لي متى روحي .. يتحقق حلمها ؟ "

لافته

إعتذار \ مساء الخير ..

هل للاعتذار محل لديكم .؟
اعتذر عن عدم مواصله المشوار التدويني ,
ثلاث سنوات كانت متفجره بكل شي لديّ , لا اعلم سبب رئيسي للتوقف
سوى اني شعرت بالتعب واحببت ان اهُدي حياتي شي اخر يختلف عن نمطها المعتاد ,
احتاج للتتغير والتغيّر قليلا ..
هي فترة توقف ..
الى متى ,.؟
ربما تكون يوم .. او شهر .. او سنه او.. ساعات ..
لا اعلم بالحقيقه ..
إذكروني بخير ..
فقد كنتم تعنون لي الكثير الكثير ..

شكرا من القلب لكم ..

لاتحسبوني وانا اغني سعيد .. \ صباح الخير ..

لاتحسبوني وانا اغني سعيد ..
... كل حروفي من جروحي ارقصت ..
الطير لو هو طاح بيدين البليد ..
... يبكي \ وهو يحسب عيونه إفرحت ..
اكتب قصيد ( افرح ) ويبكيني ( قصيد )
... لامن ذكرت اني لي اعوام انجرحت ...
لايغركم لو تشوفوني .. " فريد "
... آذان عمري ... مِن زماني .. إطرشت ..
الزمان الي رماني ع الحديد ..
... ما اهتم لي لو كان في لحظه ابتسمت ..
دام كل يوم "ن " يجي جرح جديد ..
... يقتل البسمه .. وهي ., توها نّوت ..
لا تحسبوني وانا اغنّي سعيييد ...
... هذه دموعي الي على اللحن .. أعزفت ..

جنون \ صباح الخير ..

فيني من جنون الهوى شي كثير ..
.... كلها لعيونك .. إنتي ... إطلعت ..
من زمان احلم .. وانا طفلاً صغير ..
.... وما اجمل الاحلام .. فيك إتحققت ..
ياحلمي الاول ... شوفيني اسير ...
.... بين الظلوع .. ايدين قلبي علّقت ..
اجمل من الاجمل ... اذا لحظه تسير ..
... وانت تدري ... فيك وحدك فكّرت ..
اشغلت بال الي لها الدنيا .. تطير ..
... كل الاماني في سماها .. ابرقت ..
وش ابي اكثر ... وانا عندي كثير ..
... احلى انثى في زماني .. اعشقت ...

المطر \ صباح الخير ..

كان المطر اول محطه بـ لقانا ..
... وكان العشم كل العشم فيه نكبر ..
وصار المطر باخر محطه \ شقانا ..
.. كنه هوانا كل ما غاب ... يصغر ..
كنت اعتقد مافيه احداً . سوانا ..
... يحرث من الاحلام \ وصج تثمر ..
تنبت امانينا وتحقق رؤؤانا ...
... ويصير كل الي نبي \ شي اكثر ..
بس الحقيقه \كذّبت محتوانا ..
.... وصار المطر همّا على القلب يذكر..

حبك \ صباح الخير ..

حبك حبسني في سجن ماله أبواب .؟ !
.... وين المفر .؟! وضلوع صدرك .. مكاني ..
حبساً مثل جنّة .. اسارير وأعناب ..
... وطيور , وازهار .. واناشيد واغاني ..
فيها اتنفس \ ريحتك .. مثل الاعشاب .؟!
... كيف التنفس داخلك ... احتواني ..
ياروح روحي .. والغلا لك ..شبّاب .
... ماغيرك انته في الغلا .. امتلاني ..
اجيك مشتاق مثل جيّه ... أغراب ..
.... لديارهم من بعد .. غربه زماني ..
شافوا وطنهم .؟! من بعد ما الشعر شاب ..
... وجت ابتسامه في شفاهم .. تعاني ..
وانا معك اشتاق .. لو كنا اقراب ..
... ودّي احبسك من الغلا ..في اعياني..
تغيب لحظه .. احس ان كوننا غاب .؟!!
... لا شمس , لا قمرة .. ولا بحر ومواني ..
ودي اضمك داخلي ضمّه ... احباب ..
... واعلمك بـ احساسي الي غشاني ..
ان القلب بك ذاب ثم ذاب ثم ذاب ..
... ولاغيرج انتي بالحياه ... احتواني ..

صباح الخير \ زهر ما اتصوّرة..

: )*

يأ اغلى كل الناس عندي , تكفى دورلي حلول
................................ كيف أقاوم شوق جامح في خفوقي واكسرة ..
الثواني في غيابك , ليش احس فيها تطول .؟
................................ و طعم السعاده من بعادك ,ليش صاير ما أشعره .!
ليش احس بحبك انته , تجتمع كل الفصول
................................ حب " حااار " وشوق " ممطر " و "زهر " ما اتصوّرة
عشت عمري في تناقض , لا ولا اعرف ميول
................................ كل امنياتي , قبل شوفك...... صايرة متبعثرة
كنت ادور عن نفسي داخلي ابحث واجول ..
................................ ولا لقيت في داخلي , غير المأسي مسطّرة ..
لين شفتك , والحياه صايرة كلها سهول
................................ ورد احمر , عشب اخضر , ومن جنونك ممطرة ..
في وجودك , يا عسى دنياي في قربك تطول
................................ ولو اعيش عمر ثاني , معاك....... ما استخّسرة ..