الساعه ثمان الصبح والجو مغري . \ كل عام وانتم بخير

الساعه ثمان الصبح والجو مغري ..
... مطر .. مع اغنيه لـ كاظم ... حزينه ...
تاخذني لـ للذكرى ... الى وين ؟ مدري ..
... بس الاكيد ... القلب ... زايد حنينه ..
بينختم عامي .. وانا اقول ... بدري .؟!!
.... على الجروح الي بقلبي ... دفينه ..
ياعامي القادم .. ياخيري وشرّي ..
... شنهو الجديد .. لـ دنيتي .. تلبسينه .
اببتسم والا زياده ... بـــ قهري ..؟
.. والا خفوقي بـ تستمر .. دمعتيينه ...
كن الخناجر شعب ... والارض صدري ..
... وانتي بـ يدينك .. هالصدر .. تطعنينه ..
عام ن جديد اابتدي فيه ... عمري ..
... وهم ن جديد بالحشا ... تكتبينه ..
العام نفس العام .. تسعه وعشري ..
... والقلب نفس القلب .... زايد حنينه ..
وكل عام وانتم بخير ..

ضويتي بداخلي شمعه \ مساء الخير ..

...
ضويتي بداخلي شمعه .. عرفت ان الظلام " قصير "
............... عرفت ان الزمان " انتي " ووجهك كل وجهاتي ..
قعدت ادوّر لـ شوقي / حنيني / عبرتي / " تبرير "
.............. صرت استغرب البسمه المرسومه على شفاتي
لقيت اني / اذا أني / بهدّك .. واتركك " واسير "
............. اشب النار في قلبي واولّعها بـ حسراتي
تعالي .. وانثري حسنك على صدري عقبها " نطير "
............ نسافر لـ دنيا مختلفه .. نجمّع كل اشتاتي ..
تعالي .. نعيش في دنيا " جنون " ومابها " تفكير "
............ تكوني انتي السما فيها , وأحليها بـ نجماتي .
امانه لا تهديني ... على جمر الفراق اسير
........... بدونك .. يابعد عمري .. والله تضيع خطواتي
حكاياتي معك اجمل .. من الي عشت قبل " كثير "
.......... حكاياتي بدونك انت .... ماعادت " حكاياتي "
تسولف وانا اناظر فيك .. واحس الجو به " تعطير "
......... .. تخيل انها حروفك .. تعطّر كل مداراتي .
حياتي بس لو تدرين بغيابك ويش راح يصير ..
.......... بظل مثل الوحيد الي يعيش بوسط امواتي
غرامي كل ما قدمت " احس يخونني التعبير "
............ احسك اكبر من الشعر .. ماتوفيك ابياتي ..

البوست رقم 100 : )*

زقاره \ صباح الخير : )*

زقارتي .. لا صار هالوقت ضدّي
... بدخّنك .. وإنتي بعد ... دخنيني ..
يا اللغرابه .. !! انتي وحدك بيدّي .؟!!
... انتي وحدك .. تسمعي هـ الانيني ..
شنو سمعتي .؟ غير أهااات خدّي ..
... شنو سمعتي .؟ غير زفرة .. حنيني ..
ياناري الجنّه .. انا الحيين .. وحدّي ..
... اواجه الدنيا .. وسلاحي .. إيديني ..
بعطيج حزن .. فاق .. يا نار .. حدّي ..
... وانتي الوحيده .. بـ هالزمن .. تفهميني ..
لا صرت مخلوق .. مؤدب ..و ودّي ..
... وولا فيه انسان جرحته.. بيميني ..
وش استفدت الحين والناس ضدّي ..
....غير الملام ... وكلمته ... تحتويني ..
في هالزمن لا تصير انسان " وردي "
... دام البشر كلهم .. .................... مسوّديني !

زقارتي .. كل الطرق لك .. تؤدي ..
... انتي الملاذ .. في هالزمن يحتويني ..
بدخنك بلذّه جنون .. وتحدّي ..
... وانتي بعد .. يالغلا .. دخنيني ..


وصباح الخير : )*

مسائيه جديده \ باك بعد غياب

يا ليل قلي متى حزني يفارقني .؟!
...... متى اشوف ابتسامي يغازل شفاااتي .؟
تعبت من كثر الهموم الي تحاصرني ..
..... احاول امشي لـ بكرة وتعاندني خياراتي ..
تعانق شفّتي الضحكه .. وفي لحظه تخاصمني ..
..... اناديها ولا تسمع رجائي .. وضجّه أصواتي ..
تعاون واقعي المزري مع دنيا .. تعذبني ,
..... استمتعوا بجرحي الاليم .. وكبت لوعاتي
امانييّ اجمعها .. ولا به شي ن يهمني ....
..... ويطيّرها الغياب .. بقسوة ريحه العااااتي ..
تذبحني الذكرى , .. ولا مرّه تناستني ..
... ولاني قادرن انسى .. ولاني طايق اهاتي ..
بقى ( وجهك ).. وسط هالظلمه يطالعني ..
... تبسّم وشعرت .. بطعم .... بسماااتي ..
يطالعني .. وانا اردد .. " يا ربااااه .. واحشني "
... واحبس داخلي .. شوقي .. حنيني .. ودمعاتي ..
وينك .؟ مادريت بغيتك .. شلّي مضيّعني .؟
... مادريت بغيتك ... شنهو عباراتي .؟
اسمع " يا ليت القااع .. بعد فرقاك تأكلني "
.. " ياليت البرق بسماي.. يمزقني .. الى اشتاتي "
" حتى اوكسجيني ..قسم بالله يخنقني .. " .
..... " صبّو العذاب عليّه طول ... اوقاتي "
انا حتى المرايا اليوم ماعاد تعرفني .؟
.... تصدق لما انظرها .. اشوفك .. في مراياتي ..
اغمض عيني واستنشق عبيرك يامعذّبني
... وافتح واذكر الواقع .. ياتعسي وحماقاتي ..
تشتت بيني وبيني .. صرت والله انكرني .؟!
.... انا طلال الامس .. غبيّه ... يا حكاياتي ..
تعالي شوفي بعينك .. جميع الناس تجحدني ..
... بعد ماكنت انا الاول .. غديت بلحظه الاتي ..
كبيرة لما اتجمّل ..واقول للناس .. " ايه يعني " ؟
.... حبيبه وراحت لـ درب ن .. مثل باقي العلاقاتي ..
وانا ادري لو روحي في لحظه تكلمني ..
... بتقول " يا مجنون .. ناره .. يعني .. جنّاااتي .."



مابي إلا دعاء ..
... بجد امر بظروف مادري شلون صايرة ,
صرت اضحك كثير لـما انكشفوا الكثير ..
ياليتني ما كبرت هذه الي مفروض اقوله ..

مساء الخير .. مشاغبه مطريه جديده .. : *

انا ثريّ يامترفه ..اي والله... انا ثري ..
... املّك من الدنيا .. كنوز .. لو اني فعلا فقير ..
معاي ابتسامه بشفّي .. وجنون يشل افكري..
.... ومعي شجاعه شجيع .. وحزن بعين الكسير ..
والله اني من الجنون .. طاح حتى أشعري ..
.... ووصرت بـ عيون البشر ... اهم واحد يشير ..
مشكلتي اني .. دائما .. ما ابييح .. بسرري ..
..... تحسبون اني سعيد .. لو كان حزني وفير ..
يامترفه .. لو الحكي .. ما يبيّن جوهري ..
... شوفي عيني .. واعرف سر قلبي الكبير ..
انا احبك .. وغيرك .. ما امتلى .. بنظري.. !!
... ولاني احبك .. احس .. كل شي بدونك .. صغير ..
جيتي بعد .. موسم جفاف .. طال طول دهري ..!!
.... وامتلت دنياي بعدك .. امنيات .. وعبير ..
جيتي .. وقلت لليالي الخبيثه ... امطري ..
.....وابرقي ياسحايب .. بشوق سيلاً .. غزير ..!
لاني احبك .. دايم دايم ألوم .. قدري ..
... ليه خلاني احبك .. في هالزمان العسير .. !
ليه ماعشت .. مع ابو الطيّب ... والبحتري ..!
... يمكن أخلدك .. بالزمن .. وتكوني للعشاق ... غير ..
يا نجمي الساهر .. وشمسي انتي .. وقمري ..
... يا سالفه عمري .. وحكايتي .. و الحرير ..
سولفيني للبشر .. وان عاتبوك الناس .. إتذكري ..؟!
... ان مملكتي عيونك ... وانا بس وحدي .. امير ..
سولفيني للورود .. خلّي تغاااار .. أزهري ..
... سولفيني للحياه .. كيف انا بسجنك ... " اسير " .. ؟
سولفيني للبنات ... علميهم .. كيف كان خبري .؟!
.... علميهم شلون عشقي صار .. مجنون ... ومثير ..
علميهم كيف خليت الاماني .. في يدينك .. تنقري ..
... كيف خليت ابسط احلامك .. مع دروبك .. تسير ..
علمي كل البنات .. عن غرامي .. المفتري ..
... كيف كنت بكل يوم .. اهديك .." باقه ورد " غير .. !!
علّمي كل البنات ... كيف .. كان سهري .؟
كيف ليلي خذاله .. من بطش عينك .. ستير ؟
كنت أحسد مرايتك .. وانتي بـ لباسك تسحري ..!
.... كنت حتى منها .. والله ياعمري .. أغير ..
كنت احسد غرفتك .. وانتي واحساسك بري ....
... كنن لي عش بشباكك .. وكن هالعين .. " طير "
ياعسى عصفورتك دايم .. تغازل بـ شجري ..
..... وياعسى عمري معاك .. يابعد عمري .. كثير ..

ونعايدكم مرة ثانيه ..

الملحمه الساهريه \ بقلمي + عيدكم مبارك ..

مساء الورد ..

قصيده لا ادري كيف خرجت من رحم الحروف ... ,

لكن خرجت ساهريّه التفاصيل .. , متأنقه بـ اسامي اجمل ماشدا به الساهر : )

هي اقرب الى المزح , كُتبت والنفسيه مرتاحه

لكن خرجت هكذا , واتمنى تعجبكم

أحبيبني كثر ما اهواك واكثر احبيبني

ولا تقولي انتهى المشوار وتنسيني

وزيديني عشقا في هواكِ حتى

ما يبقى إلا انتي في شرايني

سيده عمري , ذبحتيني غلاا ..

أشكيك لمين وانتي الي تعرفيني

أحبك جداً هذا ابسط شعوري لك

ويدكِ البيضا ضميها على ايديني

علمني جبكِ ان الحب هو ذاتي ..

وانج انتي عروسي الي تناديني

ارجوج كبري عقلك لا سمعتي

اي كلمه تردّدها عدوييني

واني احبك , قسم اقسمته على نفسي

وجيتك امشي ما اعرف عناويني

هاارب من الاحباب والناس والدنيا

ماغير رمشج من العالم يغطيني

قولي احبك حتى الناس تسمعها

واقهر فيها ناس ماتدانيني

وانا اتحدى جميع الناس علشانك

( ممنوعه انتي ) وملزومه تحبيني

لك ايامي , انا اهديها هديّه
يفداك قلبي على ايامي على سنيني

لا تكوني مستبده في المشاعر

بكل حب وبكل حنيّه خذيني

أنثريني ماي ورد في شفتك

وإن عطشتي !! سمي بالله وارتويني

وأجعليني تاج فوق راسك ذهب

خلّديني في زماني خلّديني

مدينه الحب شوفيها بقلبي

ما غير انتي في حشاي تسكنيني

اختاري حبي ولا غيره بـ هالدنيا

قسم بالله انج ماتخسريني

كاظم وليلى ماهو مثل قصتنا !!

هي ما تحبّه بس أنتي تحبيني : )

هل عندكِ شك انك انتي الدنيا

وانك احلى بشر شافته عيني

هاا حبيبي .. مو على بعضك احسك

ماهقيتك بعد شعري تسكتيني

قصه حبيبن هذي هي قصتنا

والله جمع بعد فرقا محبيني .. !

اسمعوا الاغاني المذكورة هني ,
بتدعولي كثير ,,
وعيدكم مبارك وايامكم جميعا سعيده ..

انا .. جنون .. طيش .. عاقل ..؟ ّ!!!

أنا ..
أصعب من احساس الجنون ..
الي يغنيه " الشقي " ويصير بـ احساسه " عقل " !

انا ..
اكبر من احلام الطفل ...
االي يرسم خيالاته سراب .. ويبني اوطانه " رمل "

انا
اكبر من جنوح الطير ..
اذا غرد يغازل عصافيره بـ " خجل "

انا
صوت المطر والريح ..
اذا طق الشتا بابي .. عجيب .. بروعته " مذهل "

انا
عاشق تعدا العشق ! شرب من عشقه لـين " اثمل "

انا
واقعك الاحلا ! وانا خيالك " الاجمل "

احبك كثر ما انتي بريئه " بـ شعرك الاغجر "
احبك كثر ما انتي خيال فاق .. أ فاقي ..
احبك كثر ما الدنيا .. تنادي " ليلك الاطهر "
احبك كثر ما أجمّع جنون بـ سكره اشواقي !
احب فيك كل ما فيك ! ولكن حبي االاكبر !
جنونك .. وانتي ايدينك تلفيها علا أعناقي !!
كبير الحب في ذاتي .. ولـ عينك دايما يكبر ..
لـ عينك .. يابعد عيني .. ماتشكيني اوراقي ..
تعالي .. نرسم البسمه على شفاه الندى " الازهر "
ترى ما يعيش الورد .. دام يعاند الساقي ..

حبي غير ! .. وجنوني غير !
وخيالي غير !
انا وحدي ! السما وانتي .. ياعمري " طير

ياقدمها هالخاطرة , باركو لها ميلادها الثاني هذا ,

إنتي زماني .. إنتي . \ صباح الخير ..

ما سألتك .. ليه هالليله... حزينه ..؟
... ليه عصفورك .. من اللوعه يعاني .. ؟
ليه .. صمتك .. كوّن بصدرك مدينه ..؟
... ليه .. حزنك .. يذبح احساس الاغاني ؟
ياجميله بكل شي .. حتى السفينه ..؟
... من كل حزنك ضيّعت كل المواني ..
الطريق الي تبين ... تسافرينه ..
... ماله على درب الهوى .. إالا جناني ..
وين درب "ن " .. غير دربي .. تعرفينه .؟
... وين قلبن غير قلبي لك .. أماني ..
يمّي تعالي .. هذا قلبي .. " فاتحينه "
... لك يسولف .. عن غرام .. احتواني ..
عن جنون .. وعن شعورن .. تفهمينه ..
... ما سهى .. عن طيف وجهك .. لو ثواني ..
تاج الجمال .. عن كل انثى .. تلبسينه ..
... وللدلع في طبعك الزاهي .. سباني ..
لامن ضحكتي .. كنّك .. الياسمينه ..
... مثل .. مثل النور .. من كثره عماني
و شفّتك .. تحرق .. من تبي تحرقينه ...
... وخدك مثل صبحٍ .. بنورة غشاني ..
والليل في شعرك .. بعد تحبسينه .؟
... والعين , مثل السهم بصدري رماني ..
هذا الخفوق واعترف .. في حنينه ..
...... يعني .. زماني انتي ..؟ .. إنتي زماني ..



ماحبيتها بجد .. !!!

دايم صباح الخير .. من شفتك " غير " \ مداعبه جديده ..

.. الصبح بعد مواجهك .. نكهته " غير "
... دايم احسّه .. يحتفيني بـ حنينه ..
دامك صباحي .. اكيد .. إن صبحنا " خير "
... ودامي .. احبك .. وش بقى تطلبينه .. ؟
كلمه صباح الخير ..من مبسمك .. " طير "
... طار بسما شوقي .. ومصير بـ إيدينه ..
إنتي مثل ورده .. تعانق .. نواوير ..
... وانا مثل نحله .... عشقت ياسمينه ..
تغار .. واسكت .. " اممم مِن حقها تغير " ..
.. غيرتك تسوى .. يا ملاذي .. مدينه ..
أشغلت نفسي بين .. فكرة وتفكير ..
... شلون اعبر عن هوى ... تعرفينه ..
ودي اعبر .؟ بس .. يكفيك تعبير .؟
... ويرضيك حبّا بالحشا .. شايلينه ..
لو ينكشف قلبي .. وتشوفيه تصوير ..
.. وتنكشف كل المعاني .. الثمينه ..
كان البشر في عيونك الثمله .. " تصير " ؟
... مثل الرمل .. بالقدم .. دايسينه ..
ويمكن يصير الكون في عيونك .. " صغير "
...و بين ايدينك .. يالغلا .. تحبسينه ..
دايم صباح الخير .. من شفتك " غير "
... هذا صباحي فيك .. لو تفهمينه ..

فصحى جديده , صباح الخير ..

لي مع الحمام حكايه ..
.. صاحت بقربي وحاورتها ..
ما اجمل صداقه الحيوان ..
اممم هم بعد ما شفت رد حافيه الاخير ..
حسيت إني مقصر شوي ,,
ودمتم ..

أقول وقد ناحت بقربي .. حمامةً *..
... آ يا غائبة .. هجرانكِ ... أبكااني ..
سئمت جحافل شوقي تعتدي نفسي ..
... وسئمت .. من همّي .. ومِن حرماني ..
لو تعلمين .. بما يكون غيابكم ..
... على الفؤاد .. قابض النيراني ...
اليوم اشكو للحمام مصيبتي ..
... وويشكي إلي بفقده .. الخلّاني .. ..
احكي لها عن ماسهٍ مفقودةٍ ..
... عن لؤلؤ.. عن زنبق.. فتّاني ..
عن التي صاغت جميع مشاعري ..
... بـ احلى الحروف .. لـ تلبس التيجاني ..
ملكه مشاعر .. غزت بلادي وموطني ..
... لـ ارى بـ بزهوها .. اجمل الاوطاني ..
إسمي على شفتاها .. يصبح مدهشّا ..
... وشعري .. يذوب من تينك الشفتاني ..
لا الليل يعرف .. لماذا يسكن شعرها .؟
... متسلسل الكثبان... بـ بالكثباني ..
ولا العبير لماذا يعطر نفسه .. ؟
... بريحها .؟! لـ ينافس الريحاني ..
لون السماء .. يسكن وسط جفونها ..
... بحراً يغازل .. ببهاهِ .. الشّطآني ..
تالله لا ضحك بدون .. وجهها ..
... فـ الحزن عن .. حسّه .. أعماني ..
والان .. اهذي مصيبتي لـ صديقتي ..
.. وامشي .. واحمل .. في يدي أكفاني ..
كل الدروب الي الحنين .. صديقتي ..
... كفّرت عن ذنبي بـ ذنب ثاني ..
حرّاً .. وابحث عن مكان سلاسلي ..
... وارمي يديّ .. في حمى سجّاني ..
كل الدروب لـ غيرها .. مسدوده ..
... كل الدروب .. لغيرها .. إحزاني ..
يامن ملكتي .. مهجتي وسعادتي ..
... ويامن .. جعلتُ حبكِ ... إدماني ..
هل تقبلين ان ... تتوه مشاعري ..
... و ابعثر الكلمات .. بالهذياني ..
ملّت .. جميع حقائبي من .. اكففي ..
... ومللت من طيشي .. ومن ثوراني ..
اهواكِ .. حتى ان وجهكِ قبلتي ..
... في دين الغرام .. ااصبحتي لي إيماني ..
تلك الحكايه .. وافصحي يا صديقتي ..
... هل كان حزنك ..؟ اقوى مِن احزاني ..

صباح الخير .. مداعبه جديده ,

في غيبتك ماضاع من ليلي سوى القمره ..
...... وما فقدت من شعاع الشمس إلا ضواه ..
شوفي معي اثر غيبتك ع القلب ياكبره ..
..... ضيع معالم وجهتي .. وضيّعني معاه ..

مدري غلاك شـ منزله في القلب .. وش سرّه .؟
..... دامه يسابق دم قلبي ... في مشاه ..
ياخذ من لب الغرام والهوى .. سحره .
..... ويسرق من سر الجمال .. قمّه حلاه ...
بصوتك احس كلمه ( انا ) في مسمعي ..نبرة ..
.... فيها غرور , رمى بوسط قلبي بلاه ..
تلتحف جفنك .. ورمشك .. يالغلا جمّرة ..
.... كيف غطّى الحرير .. جمر عينك وتاااه ..
والشمس تسكن جيبنك .. وانت تتشره ..؟!!
......والليل , ضايع بشعرك .. وتسال .. وش بلاه .؟
تمشي بصحاري العمر ... وتصير مخضّرة .. !
...... وتاطى على الجووري .. و اتنفّس شذااه
واتجمّع بعيني واشوفك.... يالغلا .. " درّه "
........ واغمّضك وتصير في عيني .. حيااااه !!
وش بلى .؟ كل ايات الجمال .. تغوص في بحره ..؟!
... ... واهو سايح بالدلع ... ويتفاخر في بهاااه .. ?


مِن الارشيف , سوري هاليومين محتاس بين عده امور ,
دوام , كرة , مخيم , ارسنال , وبشتري سيارة ..
دعواتكم

صباح الخير \ مداعبه مختلفه وللمرة الاولى ..

اعترف اني اكرة كتابه هالمواقف هذه ..
لكن مادري اليوم المود جذي ,
اتمنى اتمنى ان الاولى جذي تكون جميله وعلى مقدار
ذائقتكم : )*

الضيقه الي مع الايام .. تزعجني ..
... وش حيلتي .. اصدها .. ماتجيني ..
تزهم على النفس .. وباللوعه تطوّقني ..
... تخنق الروح .. وبالاهات .. تدميني ..
لامن ذكرته .. احس الكون ضايقني ..
... وامشي ودوربي .. على قلبه توديني ..
مدري ذكرت الحنين .. والا تذكرني ..
.... مدري نسيته .. والا اكذب على عيني ..
صورته دايم على الجفنين .. تلبسني ..
.... وصوته .. يداعب .. خفوقي لين يكويني ..
والشمس لا لاح الغروب .. ليه تجحدني .؟!
... ماكنها قبل المفارق .. حيل تبغيني ..
.. حتى الشوارع .. احسها اليوم .. تنكرني ..
.... ياما عليها مشيت وإيديه بـ إيديني ..
حتى الكراسي حزينه .. وكله تسألني ..
.... وينه حبيبك .؟!! وتطعني بـ سكيني ..
تعبت اطالع هالوجيه .. الي تطالعني ..؟!
... تعبت اغامر على ذكراه وسنيني ..
شفيني بدونه .. بيت الحزن .. يسجني ...
... شفيني بدونه .. اردد دايم ... " شفيني .؟! "
كل شي بدونه غريب .. ودوم يجرحني ..
... كل شي بدونه عذاب ... اشوفه بعيني ..
حتى التنفس بدونه ..\ حيل يخنقني ...
... حتى ابتسامي بدونه .. ما يدانيني ..
ياحزن شلي بيديني عنك .. يمنعني .؟!
... ياحزن .. اطعن خفوقي اليوم بـ إيديني ..

وشفيك متضايق ..؟ \ مساء الخير .

,

وشفيك متضايق , سرقت من السما " نجمه "
وانت لامنك رضيت , تكسي الدنيا عبير ..
وش عاد يزعلك , وانتي بدنيتي القمّه ..
والناس من دونك بعيني .. مجرد .. حصير ..
افرح عسى دنيتك بالشوق .. ملتمه .
ومادمت عايش في وطن عمري امير \
لـ أسمي على شفتك .. يا بعدهم " نغمه "
وحرفك على شفتي ... أحسه يطير ..
النسيم .. يسكر بعطرك اذا شمّه ..
والمطر .. من فرط حسنك ... غزير ..
المسا بحضرة جنونك .. مشتعل سهمه ..
والصباح يسكن بوجهك .. ومن وجهك ينير ..
تنتمي لكل الجمال .. واصل الحلا .. واسمه..
وتختلف عن الوجود ... لانك .. مثير ..
قلبي .؟ لو سالتيه عن .. امنيه حلمه .؟
يتنفس غرامك .... هذا حلم .. الفقير .
دام احبك احبك , وانتي بدنيتي القمّه ..
ودامي رفعتك للسما .. وبجناحك اطير ..
وش عاد يزعلك .؟! انسي حزنك و همّه ..
دام قلبك سجن له .. عاشق من مطير ..

اكتب ,.؟ لاني حيل محتاج الكـتـابه .. \ صباح الخير ..

اكتب لهم ..
لانهم موجودين بكثره ..
يحاولون ويحاولون طمس مشاعرنا ...
يحاولون جعلنا هياكل .. او جمادات ..
او بالاحرى " روبوتات " تتحرك بالريموت ..
ناكل ونشرب ونعمل .. ونعيش .. وفقط ..
تلك هي حياتهم..
تبّاً لهم ..
لو كتبت لي ان اعشق طول عمري سـ اعشق ..
حتى لو كانت حبيبتي ..
تلك الملعونه بين اصابعي ..

أكتب ..؟ لاني حيل محتاج الكتابه ..
اكتب لاني يابشر ... أنا بشر ..
انطفي .. لا عشت لحظات الكأبه ..
... واشتعل .. لو علي موقف يمر ..
مدري انا انسان عاش وسط غابه ..
... والا انا نبته .. نبتت بسطح القمر ..
مدري علام الناس .. تحيا بالغرابه ..
... وتلبس قناع الكذب .. بلا ذكر ..
الحب في دنياي .. صاير .. سبابه ..
.... الحب في دنياي .. للاسف اصبح مضر ..
ماتنّفس في دواخلهم .. سحابه .. ؟
... ما تخَّضّر في دواخلهم .. شجر ..؟
طموحهم .. شلون .. يكشّون الذبابه .؟
تضايقه لا شافها ..تقبّل . زهر .؟
عصفورهم .. محبوس ..ويعاني عذابه ..
... وتينهم.. زيتونهم .. صاير جمر ..
شطأنهم مليانه .. همومِ .. مذابه ..
... احلامهم .. مقتوله ..من اول سطر ..
الحب .. ماعمرهم . لبسوا ثيابه .. ..
... ماتعذّب .. او تلوّع .. او هجر ...
ما تمتع ريقهم .. باطهر .. عنابه ..
... ما دروا انه الهوى .. يعني عمر ..
ذهب الحياه .. وما يعادل .. ترابه ..
.. تسكت اذا طيف .. الهوى لحظه حضر ..

صباح الخير مضاغبه جديده ..

كل القصايد قبل عينك .. تراب ..
...... وكل حرف بعد ما شفتك درر ..
في حروفي ودي أوصل للسحاب ..
.... وانزل حروفي .. على راسك .. " مطر "
الجمال ... يستحي منك .. وذاب ..
.... والاماني .. كلها لا اجلك .. " فجر "
جيتي ذنب .. واحسبك .. جيتي ثواب ..
..... وجيتي .. لحظه واحسبك .جيتي " عمر "
ياهيه احبك .. وكل خوفي من الغياب ..
.... لا نامت عيوني .. وزولك ما " يمر "
لو بيديني اخطفك .. فوق السحاب ..
... واحتفيك هناك .. بجنون .. وشعر ..
واغازلك .. مثل المداين .للا اغراب ..
.... وااتنفسك مثل النسايم .... للشجر ..
واعلّمك .. ان الحياه .. كلها عذاب ..
.... بس معاك .. تصير ايامي ... درر ..
واشاغبك .. وييضيع عقلي .. بـ اظطراب ؟؟
... واقبّلك ... واحس .. مقبّلي ... جمر ..
نار .. واستوطنت ... عذق العناب ..
... مختلف في كل شي ... ينذكر ..
اي احبك .. وادري ان حرفي .. تراب ..
.... لانثرته در .. شافك ... وانتحر ..

يصير اتفلسف شوي ؟

احلى شي لما تكون قاعد بين شله مساطيل ,
بخيمه كلها دخان , ووكل واحد يقول فلسفته عن الحياه ,
وباي عين يشوفها .؟ وكيف يشوفها .؟
كانت الاراء بجد منطقيه .. وبجد مضحكه ..
تمنيت اي واحد حزين كان ويانا في هالجلسه ,
اجزم انه بيطلع بثوب جديد للحياه : )*

ليش تزعل !! والحياه كلها طريق ...
طريق مظلم بس مصباحه " الامل " !
عمر الالم ما يمحي الجرح العتيق .,., !
وعمر الشموس ما ليّنت جأش " الجبل "
لو تستحي الدنيا من دموع الغريق ..
ما خلّت الدمعه على خد الطفل !
لاتفهم الدنيا على المعنى العميق ..
افهم الدنيا على المعنى السهل ..
اسكر بنشواتك وعلك ماتفيق ..
ما حد ن فينا بـ يعيش للازل ..
والحزن لو هاجم القلب الرقيق ..
يطلع شعاع " الفرح " يعطيك الامل .
الاماني بدونها الدنيا تضييق ..
لولا الاماني ما احد ن فينا وصل ..
عيش يومك / طيش / وجنون / وبريق...
وابني احلامك من أضغاث الرمل ..
شوفني من قمه احزاني " أنيق "
والله ان قلبي من احزانه ثمل ..
بس بسمتي من فسحه احلامي " تويق "
فيها انسى ما بـ حياتي من فشل ..
هذه الحياه كلها ظلمه طريق ..
تضييع فيها لو حسبت انها ملل ..

شرايكم بفلسفتي : )*
يصير اتفلسف مو ؟

كيبورديّه جديده + ابي رايكم بموضوع مهم ..

انا مصعوق :S
كلمني واحد وقالي انا فلان الفلاني , المهم قالي انه متعهد فني او شي من هذا القبيل مو فاهم بالظبط , قالي انا قريت لك كذا خاطرة وقصيده وعرضتها على عده مطربين يقول كبار وانهم مستعدين يلحنون الكلمات ويغنونها
بالاضافه الى مطربه عربيه اشتهرت بالخليجي يقول انها اعجبتها حيل خاطرة قديم لي سنتين كاتبها اقول فيها " تحبّه وتنتظر طيفه ولو صدفه يطوف , تحبّه وتعترف ان المحبه ماتشوف .! وينك انت ياللي دمرت الحزن في داخلي بابتسامه .. إلخ "
انا هني مادري حسيت نفسي مهم خخ و اول سؤال له " كاظم معاهم " < خير ان شاءالله
قالي لا , حسيت بانكماش للفكرة ..
انا ابي رايكم بالموضوع , اخذ هالخطوه والا لا .؟!
خصوصا انه قال شرطه انه اكتب باسمي الحقيقي , وانا هني استنكرت بنفسي مو لسبب فقهي او شي بس لاني ماحب اطلع بالعلن لو ابي جان كتبت اسمي هني وافتكيت .؟!

انتوا رايكم هل الخطوة تعتبر الى الامام او الى الخلف .؟!
وشنو تنصحوني فيه ,.؟ انا محتار بصراحه ..

انا كنت بقولهم هالموضوع بس ماحبيت اكتب بوست بدون خاطرة ,
ياليت تعجبكم هالبسيطه هذه . : )*



شفتي القمّر .؟ لو ع خدّيك نزّلته ..؟
.... والا الشجر .. الى يشيل العصافير ..
والليل .. لو لونه على شعرك تلبّسته .؟!
.... والا جعلت زفرة انفاسك .. عبير ..
مايكفّي حرفك الي .. تهجئّته ؟؟ ..
... وين اروحك ... وانتي لـ اشواقي سعير ..
انطق باسمك ..؟! و بلساني تلذذته ..
.. واسرح بطيفك ... ولا ادري وين اسير ..
احفظ ( احبك ) .. واذا شفتك .. ( تنكّرته )
... غير ( احبك ) ماني لاقي لي شوير ..
اربع حروف على الشفّه .. تصّعبته ..
... مع اني احبك بس ادور شي غير ..
عن شي .. ماقلته ولا حتى تخيّلته .؟!!!
... عن شي ماقاله قبل .. شيّ مثير ..
كلمه تعبر عن شوقٍ ... تحضّنته ..
.... كلمه تعبر عن احساسي .. الكبير ..
وين ابتديك .. وانا حبي .. تكاثرّته ..
... لو عطيت الكون نقطه ..؟! احسه كثير ..
ولو اشوفك بعيني , تبتدي .. السكتّه ..؟!!
واحس كل الي قلته لعينك \ صغير ..!
امري بدينك .؟!! ولك الامر سلّمته ..
... انا احبك .. بس حبي غير غير .. !

نخب انتصاري : )*

اعتذرت عن الغياب المفاجىء بعد العيد ,
مع بدايه انخفاض درجه الحرارة والبرود النسبي ليلاً
الجهراء لبست اغرى ثيابها , واتجهت الى الى خلف الجبال , فذهبنا خلفها الان وسكنا المخيم ..
فـ هناك لا عين رات ولا اذن سمعت : )*

مِن الارشيف اتمن تحوز إعاجبكم ,
واعتبروها اعتذار ,

" كـ نجم سقط من مجرة العشاق ملتهباً
وكانت ارضي تفتح أياديها تريد ان تستقبل النار .
لـ تستقبل الحميم , رغم قسوة شتاءها .. .. اشتعلت ..
من تكون .؟! "


عني لماذا تسألين ..؟!
فـ الروح تنبض بالانين .. والحب اعماه الزمان ..
والقلب يأكله الحنين .. !
عني لماذا تسألين .؟!
لـ تسمعي عذب اعترافي ..
أنا .. !
لغز تفجر بالسماء .. ألغاز تشغل بالحائرين .
لا ربما ابقى امير بشوقه ِ .. ومن قلّّه افراحي فقير .. ؟
ولا ربما ابقى مقيد بالسلاسل .. وفي فسحه أحلامي اطير ..
ولا ربما ابقى شريد في الفضاء .. واكون في نفسي أسير .. !

فـ انا غريب في طباعي .. وكل مافيني جنوني .. !
ارى الحياه كـ لذّهٍ .. كـ نشوة .. كـ لحظه ستنتهي لو اغمضت عيوني ..
ارى بأن الكون يسهر من شجوني .. ..

"
انا الذي اخرج الالماس من ظلم المناجم .. واكثر الناس يفرح.. من كثر الهزائم ..
كل ما اخسر امامكِ .. اشعر بأني من الاعاظم .. !
انا الذي جعلت من عينيكِ الجميله العجب .. !
وزرعت في اسوار قلبك .. تاج مرصع من ذهب .. ! , واقسمت ان الكون يسكن بين رمشكِ والهدب .. !
وان الاماني لا تحقق الا ان كنتي سعيده.. , وان النساء لاتكون .. إلا ان كنتي السبب ..


" اما انا .. الطفله الصغيرة ... التي صدت الاسد ..
لدي في بحري الكثير .. لكنك كنت الاشد .. , رايت ان الحب جنه .. وحفظت درسي في المهد .. !
اني القويه في شعوري .. لو كنت اضعف في الجسد .. !
من حسن حظك انك كنت اختياري .. من حسن حظك ان نجمك تاه في ظلمه مداري ..
اقترب منّي قليلا .. لـ نحتسي نخب انتصاري .. ! "

البنّي لسانها ..

كل عام وانت الجنون الي تنفّسته ..

العيد هذا مو مثل الي تعوّدته ..
... زاهي عليّ غريب بكل الواانه ..
صبحه تبسم وانا نفسي تبسّمته ..
... حتى طيورة غدت بالحيل فرحانه ..
يا أنت .. حلمي معاك اليوم حققته ..
... معاك .. ماعادت الاغصاان .. ذبلانه ..
كنت اكبر حلم .. في الدنيا تحلّمته ..
... وكنت احلى قصيده .. كتبتها الروح شهقانه ..
ياما وجودك \ على الايام سولفته ..
.... وياما اهدد فيك , العمر و أحزااانه ..
قبلك العيد .. يوم يمر .. ما عشته .!
... ومعك العيد .. يسوى العمر وازمانه ..
الشعور الي مع الايام \ ضيّعته ..
... يفدا ثواني مع قلبك .. وتحناااانه ..
والحرف الي على لسّاني تلعثمّته ..
... معذور لو ضاعت حروفه وقيفانه ..
كل عام وانت الجنون الي تنفّسته ..
.. كل عام وانت الحنين .. الـ فاح دخااانه ..
كل عام وانت والامان الي تنطّرته ..
... كل عام وانته حدود القلب واوطانه ..
عيدي معك .. ربيع .. ما تخيّلته ..
... عيدي معك .. اماني حيل فتّانه ..
كل يوم عيدي ... دام انه معاك انته
... دامك حبيس بقصر الحب .. وجدرانه ..


عيدكم مبارك

: )*

عين تدعي لـ منكر , وعين تدعي لـ نكير

بين هيبه رموشك واحتضار الجفون
................. عين تدعي لـ منكر وعين تدعي لـ نكير
وبين حفظي لـ عقلي واتباع الجنون
................. رحت اتوب الخطايا وجيتها مستخير .. !
كيف اصومك.؟ و " همسك " من حياءك " مجون "
................. وكيف ابصبر وغصنك في عذوقه " مصير " !
ودام حضنك " فضائي " وكل كوني " سجون " ! ؟
................ ليه ما اطلق عناني في " فضائي " واطير : )*
ودام وجهك " اغاني " وابتسامك " لحون ..
................ ودام حسنك حبسني في كفوفه " اسير "
ودام مملكتي عيونك , وابوابها هالجفون ..
............... ليه ما ارضى الاقامه في عيونك " امير "
ليه أذخر عنايا ؟ ليه اهاب الطعون .؟
................. ليه ما اعيش " احبك " للرمق " الاخير " !
ولو بتفنى حياتي / يا حياتي / تهون ..!
................ دام وصلك غشاني واستقيت الغدير . !

لكن الخوف كله لا غزتني ضنون .. !
............... وجيت يمك ادور لـ اختياري شوير ,
قلي تكفه شسوي عند سحر العيون
...............بين حبي لـ منكر , وبين خوفي نكير .. !

صباحيه غير .. أختلف عن كل شي ..

منهو أنا .؟ّ

هذا سؤال الي على بالك خطر ..؟!
.....منهو انا .؟!! اسمع كلامي للاخير ..
بسيط \ يحلم .. بـ دنيا .. من الزهر ..
.... من بيوت بــ ورد .. من جنّه عبير ..
في يوم واحد .. يجتمع كل العمر ..
.... اعيش شاب .. او كهل .. او طفلاً صغير ..
في تفاصيلي .... تعيش كل العبر ..
... وما اتعلم منها ... كوني أسير ..
اسير لـ جنونٍ .. يشابه .. هالقدر ..
... مرة زين او شين . او شراً وخير ..
اختلف .. عن كل شي .. يُعتبر ..
... ولا اعترف .. في اي صغير او كبير ..
احس بنفسي \ مليك \ و لي .. أمر ..
... وكني على كل الاراضي ذي امير ..
ومرات احس .. اني الوحيد من البشر ..
.... الي غنّي فكره .. ورضى يحيا فقير ..
اي مافي لي شبيه ... من البشر .. !
... الا الهدوء .. اللي للضجّه .. يثير ؟!!
امشي .. واحس القاع لـ اقدامي .. درر ..
......... واني بس اللي.... على الدرّه...... يسير
غامض مثل هالليل .. لا غاب القمر ...
..... وواضح مثل هالشمس .. كل مابي منير ..
تجتمع في داخلي .... كل الصور
.... واشوف غير... كل الناس .. غير ..
دايما احس ان الحيااه .. كلها ضجر ..
... وافتح قفص حلمي .. ومع حلمي اطير ..
الى العجائب .. مع السحايب والمطر ..
... الى المصير الي يسمونه المصير ..
كل الطرق لـلخيال .. مافي مفر ..
.. كنها الدنيا سجن .. وانا الاسير ..
سمّه تناقض او جنون.. (والا: صبر .. ! )
.... انسى الحكي ..من اوله .. لين الاخير .. ..

يومين .؟!! صباحيه جديده ..

: )*
يومين .. تبكي غيابك .. عيوني والجهرا ..
... والليل لا اقبل عليّ يزيد حرمااني ...
يومين .. والحرف عندي ... خانق العبرا ..
... والدمع سيف ع الخدين .. ادماني ..
يومين ..احكي للمدينه \ غيبه السمرا ..
.. انتي ولا غيرك ترى.. ناسي واوطاني ..
اتنفسّك عشق .. ونفثتي لغيبتك جمرا ..
... واواعدك حلم وردي كله اماااني ..
واوقّد الشوق برد .. واحضانك الغطوا ..
... واتلحّفك .. حب .. شوق .. جنون .. إدماني ..
واسولفك .. للحنين .. للايامي الغبرا ..
... احكيلها عن غرام .. سهّر اجفااني ..
تجيني بطهر الاراضي .. ونظّرتك حمرا ..
.. واجيك .. بكل الخطايا .. دون عنوااني ..
واقبّلك غير ..قبلاتي .. ماهي عذرا ..
... واشربك عشق من شفك لـ *****
يا ورد .. انتي بحياتي المعجزة الكبرى ..
.. انتي بحياتي .. تراك .. أمري وسلطاني ..

الوطن امّي

امي تسولف .. عن وطن كله زهر .. ..
... عن امان .. وعن اماني .. وعن كثير ..
حتى كبرت .. والي عرفته بالكبر ..
....عن الوطن الي اسولف به صغير ..
الوطن امي .. ولا غيره .. قدر ..
.......يملي الدنيا اسارير وعبير
طلتك عندي يا امي .. فجر ..
... بعد ليلِ طال .. ضيّعني المصير ..
كل شي يجري .. معالجته الصبر ..
... الا بعدك وين ادورلي .. صبير ..
تبتسمك بك .. الاغاني .. والشعر ..
ويتنفسك المسا .. ويّا العصير ..
ووالشموس .. والكواكب .. والقمر ..
.... كلها تنبضك .. ولـقاعك حرير ..
الاصابع لو اولعها .. عشر ..
.. ما توّفي جزء من فعل الكبير ..
لو بيدي امنع عن خطاويك الشرر ..
... والله انه ما يعطّلني .. شوير ..
ابتسامك عيد .. ووالوان .. وسحر ..
... وكلامك .. غير كل الناس غير ..
البشر كلهم.... بعيني ..مو بشر ..
... دامك بعيني .. هالعالم حصير ..


انا دائما اعاني اذا كنت بكتب عن امي ,
ثلاث مرات كتبت عنها , وكلن احس مو شي !!
بجد اتعب لما بكتب عنها , وهذه بما انها طلعت ان شاءالله تعجبكم ..
http://fcesc2.blogspot.com/
هنا مكاني الثاني ..
تؤام لذّه جنون ..

صباح الخير . مشاغبه " اصرخ .. تكلم .. "

اصرخ .. تكلم .. اوصل بصوتك الى حدود السما ..
... مابقى لك من الحياه غير صوتك .. تنتخيه ..
ااصرخ .. تكلم .. " من متى صارت مشاعرنا دمى " .؟
... من متى صارت مشاعرنا .. مع الدنيا تتييه ..؟
من متى صارت.... حكايتنا غريبه للحما .؟!

... والحب في زمن الخطئيه ... كلنا نختطيه ..
حبيبتي عسى العيون الي ماتشوفك .. للعمى ..
...مادام احبك .~. وشبقى في هالزمن ترتجيه ..
كل حرف ينكتب .. غنى اغانينا .... وسمى
... طار مثل الطير حلّق .. للمكان الي يبيه ..
اشوف في وجه الشوارع .. دمعتين مِن الظما ..
... دمعه تبكيلك اسى .. ودمعه حبنا الي نبيه !

تؤام لذّه جنون ..
http://fcesc2.blogspot.com/ .. تحديث ..

نامي بعيوني وتغطّي بالجفون

نامي بعيوني وتغطي بالجفون ..
وان غزاك البرد .. قوليلي بردت ..
وابشري بشوق يورد للجنون ..
من صميم القلب .. لـ ضلوعك رقت ..
تغامري بشوقي .. وانا اقول الظنون ..
لو قدرت توفيك .. عنها ما سالت ..
انتي عين غير عن كل العيون ..
لو اقول انها جواهر .. ما اكتفت ..
تطمع بحبي .. وعلى قلبي تمون ..
من هو غيرك في حياتي امتلكت ..
لو اخبر هالبشر .. ما يفهمون ..
ولو اشرح الاحساس احس اني نقصت ..
اكتملت الايات فيك .. واهم ما يعلمون ..
ان الجمال قلاده و بجيدك نمت ..
والقصيد لو اثيره للشجون ..
لا شاف زولك من ذوبانه سكت ..
الكلام العذب لـ عيونك مجون ..
والسكوت الذرب ياربي هلكت ..
كلمتي شوق .. وصدى صوتك لحون ..
وقبلتي العذرى على شفاهك بكت ..
كيف اقبل ورد ما يعرف غصون ..
وانا دوبي من لقيتك .. ارتبكت ..
تبتديبك .. اغنياتي .. يا فتون ..
واكتشف اني على وصفك برعت ..


ودمتم : )*

براءة ذمه ..

يبدو ان لي اعداء لا اراهم ,
او اصدقاء لديهم مزح ثقيل نوعا ما ً
للمرة الثالثه ينسرق الايميل ولا اعرف من سرقه او لـ اي سبب ..
للحفاظ على مشاعركم , وللبراءه من اي كلمه تصدر من صاحب الايميل القديم لاتليق بكم ,
فـ انا اقول لكم الان ان ايميلي المنشور في البلوقرز انسرق ,
وهذا ايميلي الجديد ,
وادعو عسى الله يحفظه : : )*
ايميلي السابق كان cesc-@live.com
والجديد هو ..
love4ever_q8_1@hotmail.com

صباح الورد , فصحى لذيذه .. : )*

مقدمه ..

لقد رايتكِ والحنين .. باكياً
.... بعد العناء ها هو يلقاكِ ,
ضحكت شموسي وهي تنظر وجهكِ
... كم كان يحلم .. في روى عيناكٍ
والنجم يهذي بحسنكِ متعجباً
.... ومسبّحاً لله حين راءاكٍ
قولي بربكٍ كيف حسنكِ اجمعه .؟
... حرير شعرك .. ونبيذ شفاكِ ..

,

انا احبكِ تلك هي حقيقتي ..
... تلك الحقيقه .. وغيرها عٌمياني ..
فـ انا ثملت في هواكٍ حتى ما ..
... اصبحت من خمر الهوى سكراني ,
تالله ان النفس تشكي نفسها .. !
... كم ضاع من عمر ِ بلا عنواني ..
والروح باحت بكل مافي سرها ..
... والقلب من هول الهوى .. بركاني ,
اهواك حتى الارض لو علمت بما ..
اخفيه .. من شد الاسى تنعاااني ,
والشمس من شوقي اذا اخبرتها ,
... ذابت .. على خديكِ كي تبكاني
والبحر من صخب المشاعر يرتمي..
..... حزناً على الامواج والشطّأني .
اما القصيده فـ تلك هي مصيبتي ,
.. فـ كم حرف يكفي .. ذلك النواراني ..
ياقوت يخالط في شرابه وردةً
.. ونور يسطع من جبينِ حاني ..
والليل يسكن شعركِ متملّكاً
... تاج من الازهار والريحاني ,
والماس يسكن وسط رمشِ ناعسِ
... كم كان ذاك ياهوى فتّاني .
اني احبكِ تلك هي حقيقتي ..
... اني احبكِ .. هل ياترى تهواني.؟!


كُتبت الان , والمزاج مش ولا بد ,
انهزمت في مباراه كرويه . بنتيجه ساحقه ..
5\0
ترى لاعب الماتش وانا مصاب :(

صباح الخير ..

تدري وش صاب الكويت بغيبتك ...
ماصار شي ..!
بس يمكن
انسرق هالليل من صدر السما ..
بس يمكن ..
ذبلت الاشجار من طول الظما ..
بس يمكن ..
صارت الارواح في غيابك .. دمى .؟1
ما لقينا في الكويت بغيبتك ..
إلأا يمكن كلمتين ..؟!
بس مغموسه بـ حنين ..
( وينه .. , رجع .؟! )
والا خذاه الدرب .. وما وده يحين ..

المدينه نفسها هي المدينه ..
... بس في غيابك .. غدت .. ماهي مدينه ..
في وسط موج .. خايفه .. موج كسّر في السفينه ..
موج أكدها .. اكدها .. حزينه .. !

مافقدنا من شمسنا في غيابك ..
إلأا دفاها ..
وبسمه الاطفال يا عمري معاها ..
والشوارع تدورك بين الوجيه ..
والصخب .. والنور .. والسكنى .. تبيه ..
والسحاب يمر .. حاضن له مطر ..
..... والنجوم ... تسهر .. عسى بلحظه تمر .. \
والزهر جافاه العطر ..
والنسيم العذب خلانا ورحل ..
والثواني تشتكي ظلم الدقيقه .. والشهور .. تبكي .. وتاكدها حقيقه ..
ما رجع ..؟!! ما رجع ؟

كم عليّ ؟

لازال يحتضر الطريق .. !
يحمل معه .. ( ذكرا ) , ( أمل ) , ( حلم غريق ) .. !

يا موعد العمر الحزين .. ذاك الطريق .. يمسي ع ذكرا اللقاء ..
ومن قسوه اللقيا يفيق .. !
أعود لـ هذا الطريق .. علي اجد فيه العزاء ..
فيه افتش عن حياه .. عن حلم غائب من سنين .. !
عن قلب دمره الحنين .. عن صوره لاتشبه احد .. ! عن قلب لم ينسا أبد .. !
عن امنيات داسها الزمن ع هذا الطريق .. عن حب فيه اشتعل لـ ينتهي فيه حريق .. !
كم عليّ الموت مرة ! ؟ كي اعيش .! .. كم عليّ النوم مرة ؟ كي افيق !
كم عليّ الاه مرة ..؟ كي تعود .؟!

`ذاب عمري ! في انتظارك ..! ولم تعود !
قولي اذا .. !
كم علي ان ابكي امامك .. ! لـ اضحكك .! ؟
كم علي ان ابقا غريق في ابحرك .؟!
كم علي ان اخسر امامك .. ! لـ اربحك .!

انثى استثنائيه لـ رجل استثنائي .!

ايتها الانثى ..
التي اذا تحدثت .. ينطق العصفور ..
يا ايتها الانثى .. !
التي اذا اضهرت شعرها .. تتصادم الطيور ..
يا ايتها الاثنى ..
التي اذا ابحرت .. تتهافت البحور ..
يا ايتها الانثى التي تولد من احرف من نور .. وتشكّلت تفاصيلها .. من احجر البلور .. !
يا امراة لا تحكمها قوانين العشق .. ولا يُفهم لها دستور .. !

يا امراة ..عتّقت نبيذ الليالي .. بنكهه الديجور .. !
واستباحت .. قصص الغرام بأسخف السطور ..
وحطمت .. بسحرها .. مملكه الرجال وااسست ممالك .. مختلفه .. !
لـ تسجن الشعور .. !

مغرورة .. كما أحبها .. مختلفه .. كـ نفثه السيجارة .. مهيبه .. كـ هيبه الامارة .. !
متمرده .. تمرد الاحمر الاخاذ في شفتاها .. تمرد كوكب الاحلام عن مداره .. !
اختلفي كثيرا .. كي احبكِ كثيرا .. !
فـ النساء تتشابه كـ الصور .. ولكن يكون الاختلاف .. في الاثارة .. !
يا امراةً فيها الظلام .. للنساء .. منبع الانارة ..
إستثنائيه انتي .. كما شعوري .. !
لاترتضي إلا الصدارة ..

كوني كما انتي .. ! لـ اكون كما تحبين .. !

اعيدت للنشر ..

Cesc

اشواقي فيه ..

مـسـاء الـورد

مـصـافحتي الجديده في موعدها المعتاد خرجت من البوح وتحولت قصيده

واتمنى ان تكون على قدر قرائاتكم لها

يانجمه الفجر قولي كيف اخبره؟

ان الحياه بلا لقياه مأساتي !

اشواقي فيه شيئا لست اوصفه

كيف انثر في عينيه عباراتي

انا بدونه نجما ضاع في سما

طال عناه يبحث عن مجراتي

شيئا تفجر في قلبي وانثره

درراَ اصورها من الكلماتي

لازلت ابحث عن شيئا يوصلني

الى فواده وتعبت عرباتي

انا احبه حب لا اصوره

شيئا كبير طاغ بكل اهاتي

اهواه حتى الشمس لو علمت بما

اخفيه , ذابت من الدمعاتي

وان الغيوم التي هطلت مطر

تبكي اسى وتغرق الغاباتي

وان الجبال لو علمت بها

خفست وتساوت مع الترباتي

وان تراب الارض لو اخبرته

طار حتى يلاصق السماواتي

الله يعلم كم اهواك يا املاً

فيه تساوي ارباحي خساراتي !

كيف السبيل الى عينيك سيدتي ؟

فـ انا تعبت وزادتني معاناتي

هل يعقل ان يجزي المحب بهجر

وهل يكافىء الحسنه بـ سيئاتي !

ان الوجوه التي امامي مزيفهٍ

فـ وجهكِ انتي صار كل وجهاتي !

انا... انا.. بـ كبريائي وعجرفتي

صورت عينيك من الماساتي !

وجعلت قلبي في يديك هديهٍ

وحرمت قلبي من النزواتي !

ايامي بدونك اصبحت اكرهها

ولحظه معكِ تساوي كل ساعاتي !

كيف امحوكِ من قلبي وذاكرتي

وانتي اصبحتي ملكاً للمسراتي

ياملوك العشق صمتا اني اعشقها !

فـ طوبى لـ قلبي هام من لحظاتي !

سـ يعلم العشاق يوما بانني

قدمت عمري فداً لـ كلماتي !

طويله مو .؟ اسف اذا تعبت عيونكم ,

عقرب الساعه .

الليله الساعه ثمان !
مطر
واهات
وأغاني !
وحلم وردي ! من كوابيسه يعاني !
قال " وينه "
وردت الساعه حزينه !
وقالت " سكوت "
وانطفا نور المدينه ..
ووحلمي بيديني " يموت "

وصارت الساعه تسع !
وانا اكرر هالسؤال !
" وينه طوّل ما رجع

وصارت الساعه عشر ..
اوووف ! وكل شي فيني احتضر ..
شكله .. شكله ماهو جاي ..
وعقرب الساعه يدندن في عناي .. !
ماهو جاي .. ! ماهو جاي ..



/
\
/
\
/
ابي العيش العمر بـ احضانك طفل ..
وابيك تحكيلي حكايات .. الحنين ؟؟
لمني .. دفني .. عطني الامل ..
خلّني صورة تبروزها السنين ..
شربت حبك .. و وصل فيني الثمل ..
حتى صار للجرح طعم الياسمين ..
كيف اعبر فيك وانته مكتمل ..
حارسك ربي من عيون الحاسدين
مركب ايامي على بحرك وصل ..
وموج شعري بيّن احساسي الدفين ..
اي احبك حب .... عمره ما حصل ..
ما يساوي عشق كل العالمين .. !

---

صباح الخير , كيبورديات مختلفه ..

مقتطفات اخرى من نفس الدفتر السابق ,


قالت ابي تفسير للحب يا طلال ..
هو مجرد وردة حمرا او رساله معطرة .؟!
قلت الغرام في الدنيا يعنيلي الكمال !
احساس فيني مو بيديني أحقره !
الحب كوكب منفرد - دنيا مليانه خيال !
لو قريتي اكثرة ! ما فهمتي اكثرة !
تدرين وشلي يليّن قلوب الرجال .. ؟!
لا سلم احساسه بيدينه لـ مرة !



تناديني واجي لك حب .. واشواق ..و نزيف جروح
تناديني واجي مشتاااق ! لعيونك ولا واشره ..
كفايه اشوفك بعيني .. وروحي لو ما بعدها روح ..
اقدمها هديه لك ! ولا اتمنن عليك أجره ..
انا مابي من الدنيا سواك ! ولا ابيك تروح !
تعذبني .. تجنني ! فداك قلبي مع عمره ..


صباح الخير .. يا دنياي .. يسعدلي صباحاتك ..
صباح الخير .. يا جنه فؤاد .. عاشق يهواك ..
صباح الحب .. يا زهرة !! تعبت اجمع أشتاتك ّ
صباح العشق ياعشقي الفريد الي يجمعني معاك !
صباح الشوق .. كم اشتاق لو تطول في غيباتك ..
صباح الورد .. ياوردة غرام لو تموت أحيااك !


تسولف وانا اسمع لك ! واقول الله ما روعك !
حسافه انتهى موازرت ما يدري عن ابداعك .. !
تصدق اشعر كل شي جميل بخاطري يجمعك !! : )
تصدق اشعر اني من الجنون مو قادر إشباعك . : )

لـ روح فيصل *

رحلت ولاتركت الا ذكريات بخاطري تطريك!
رحلت ولا تركت الا العذاب لـ قلبي الحيران
لو بظل ابكي عليك عمري كله شويه فيك !
ولو بظّل اكتب ! احس بداخلي خذلان !
تصدق حتى " غرناطه " حيييل ولهانه عليك !
تصدق حتى شارعها ! احسه مثلها ولهان !
" غرناطه وشارعها , وملاعبها تبكيك !
وأزقتها , أنارتها , ومسجدها , والديوان ..
حدايقها , ترابها , عصفورها ينعيك .. !
ودارك اااه يا دارك ! شف الدمع ع الجدران !

* اخي الاكبر .: (

أنثى ..

جاءت كما يرضي الزمان مشاعري ..!
............. واصبحت في جب الهوى سكرانا ..
ربت على يمناي شمساً هانئه ..
............ قتلت به عمرا نشىء أحزانا ...
ذهب الانين \ من جمال جفونِها ..
........... وتبدّلت شوكايّ بالريحانا ..
نفيت من ارض المشاعر لكنني
......... "وجدتُ في العينين تلك مكانا ..
يامن اعدتِ الحب داخل واحتي ..
........ لازلت من ماء الهوى عطشانا ..
تعالي إلي اليوم نكتب حبنا ...
........... " فـ لم يبقى بالدنيا عشيق سوانا .! "

انثى ... يغوص الحرف فيها يائساً , ينسى اللغات ..
يبحث عن عبارات جديده .. عن مفردات ,
يذوب الكلام عند مطلع حسِها .... في سكات ..
يامن سرقتي من الطيور ... ماتجود من اغنيات ...

انثى .. ينام الليل فيها ... وينتحر ...
ويضجّ نور الارض منها .. لـ ينتشر.. تكتب الاشواق من تنظر اليها ..
كل ما قال الشعر ...
تنبض الايام من نبضاتها .. وتستمر ...
انثى .. يغازل عطرها ,
اجمل انواع الزهر ..
مابين كفيها .. تكون هنا الحياه ..
شمساَ هنا .. ! وبكفها الاخر قمر ..

انثى ... يهيم بها الكلام .. !
..... انثى بها اللحظات تولد ... والغرام ...

انثى ينام حسن الارض فيها ...

ولا تنام .. !

كل الشوارع تنتظر .. إلا شوارعنا .. *

واحنا قولي وش احنا ...؟
إلا حسرة تنازعنا بمدامعنا ,
............ وعبره تخنق حناجرنا ..

كتبنا حبنا .. غنوه ..
ولا تنفع مكاتبنا ..
احبك تدري .. وادري ..
بحبك .. إيش يمنعنا .. ؟
تعبنا نرسم الاحلام ..
من ضجّه سوالفنا ..
حبيبتي..
كل هالدنيا ..
حزينه من مواجعنا ..
تعبت واهي تنطرنا ..
نناديها في مدائنا ..
ولكن صمتنا تابوت ..
...........جاثم في معابرنا
حبيبتي
شوفي هالعالم ..
.... ترى يحوي ملامحنا ...
شوفي هالشارع ..
.... بكم صدفات يجمعنا .؟!
حبيبتي ..
كل الشوارع تنتظر ..
إلا شوارعنا .. *
وكل الحدايق ازهرت ..
.. إلا حدايقنا ..
وكل المحاني تتنظر ..
.... وكل الثواني تنتحر ..
..... وكل الاماني .. كتبناه بـ قصيد ..
وكل المشاعر امطرت ..
إلا مشاعرنا ..
واحنا قولي ويش احنا ..
سوى .. طفلين ..
نغطس في تعاستنا ..

ماضاع من ليلى سوى القمره ..

في غيبتك ماضاع من ليلي سوى القمره ..
...... وما فقدت من شعاع الشمس إلا ضواه ..
شوفي معي اثر غيبتك ع القلب ياكبره ..
..... ضيع معالم وجهتي .. وضيّعني معاه ..

مدري غلاك شـ منزله في القلب .. وش سرّه .؟
..... دامه يسابق دم قلبي ... في مشاه ..
ياخذ من لب الغرام والهوى .. سحره .
..... ويسرق من سر الجمال .. قمّه حلاه ...
بصوتك احس كلمه ( انا ) في مسمعي ..نبرة ..
.... فيها غرور , رمى بوسط قلبي بلاه ..
تلتحف جفنك .. ورمشك .. يالغلا جمّرة ..
.... كيف غطّى الحرير .. جمر عينك وتاااه ..
والشمس تسكن جيبنك .. وانت تتشره ..؟!!
......والليل , ضايع بشعرك .. وتسال .. وش بلاه .؟
تمشي بصحاري العمر ... وتصير مخضّرة .. !
...... وتاطى على الجووري .. و اتنفّس شذااه
واتجمّع بعيني واشوفك.... يالغلا .. " درّه "
........ واغمّضك وتصير في عيني .. حيااااه !!
وش بلى .؟ كل ايات الجمال .. تغوص في بحره ..؟!
... ... واهو سايح بالدلع ... ويتفاخر في بهاااه .. ?

ودمتم ,

مقتطفات

مقتطفات من دفتر مهجور منذ فتره ,


شب الخفوق بنار .. وذاب الثلج بـ شفاتك ..
وانا ع ناري اشتعللك ...بكل اصابيعي شموع .. : )
يا اعذب انواع الحكي .. يا اروعك في سكاتك .
يااحلا من طيش الطفوله .. لا تظاهر بالدموع ..
الشمس ماتشرق قبل ماا تبتدي طلاتك : )
قبل الشروق تستاذنك .. يا غرامي بالطلوع ..
والليل ما يسري قبل ما تنتهي سهراتك ..
تدري بانه من حلاتك صاير لـ شعرك دروع : )
كل ابجديات اللغه تذووووب في شهقاتك ..
وكل جماليات الحسن .. تقتدي بـ حسنك شروع : )


,

اصعب شعور تشوف حلمك في يدينك ييشتعل ...
والاصعب انك لا انجبرت تطفي بدموعك حريقه ..
اااه يا حلمي الجميل / قدام عيني انقتل ..
اااه ما يا ضعفج يا نفسي ما لقيتي لج طريقه .. !
اقتلوني بعد حلمي ! ماعاد قلبي يحتمل ..
اكثر من الي شفت - ما عادت الدنيا صديقه ..



ليش السوالف في حضورك تختلف .. ؟
ليش الحكي* يغني ويعزف للطيور .؟
ليش الحروف لا حكيتك ترتجف .. ؟
ليش احبك موت واهواك بـ غرور ؟
اسئله عاشق .. بحبه " مختلف " !
يبتدي بك حب ! وينتهيبك شعور . : )




كيف اعبر عن شعوري واملكك !!
خايف اتكلم يداهمني السكوووووت : )
لو خيروني بين ( اموت واتركك " )
والله إني من غلاتك راح أمووت : )
فيني قلبً من غرامه مدمنك ! ..
. في داخله شيّد لك قصور وبيووت .

وشفيك متضايق , سرقت من السما " نجمه "
وانت لامنك رضيت , تكسي الدنيا عبير ..
وش عاد يزعلك , وانتي بدنيتي القمّه ..
والناس من دونك بعيني .. مجرد .. حصير ..
افرح عسى دنيتك بالشوق .. ملتمه .
ومادمت عايش في وطن عمري امير ,
خاصه *

مساء الخير ..

كيبورديه ,

كـ النار جئتي .. لاتبقى ولاتذري ..
... وكـ الارض كنتُ ..وحيداً تائه الخبرِ
يامن جعلتكِ فوق التاج لؤلؤةً
وأ لبستك النسوة .. لا شمساً ولا قمري
إني تعيس من الايام اهلكها ,
صبراً صبرته .. وما اقساه من صبري ..
تعبت .. مراكب عمري واهي تنجرف .
بين المواجع ما اطوله من بحري ..
شاء الزمان ان اراكِ حبيبتي ,
حتى رايتُ ظلامي , انجلى فجرِ
لا الضاد تفهم ما اخفيه من عشقاً
ولا الضاد تقدر على الهذيان في حجري
اهواك قبل ان اراكِ وربي .. !
.. ان هواكِ هو الذي ينهال في صدري
كان الهوى عندي خرافه اغنيه ..
... لحنِ يردده حلمي على عمري ..
سمراء بعدك .. كأن عيني انطفت ..
من غير وجهكِ .. لا سمعاً ولا بصري ..
اهديكِ .؟ بماذا تكتفين حبيبتي ..
الشمس . والارض .. والازهار والشجرِ
او ترغبين ان تكوني ها هنا ..
بين الظلوع .. لا مخرج ولا مفري
قولي بماذا .. وانتي تسكنين دمي ..
قولي بماذا .. وانتي اجمل القدرٍ
لكن املك عشقاً الناس اكملها ..
لـ اهديتكِ اياها .. وتنسابين في عمري

صباحـيه ..

يارب .. ان كان الغرام مصيبتي ..
فـ انت تعلم من اليه دعاني ..
ناراً اراها .. في ضميري تشتعل
لاـ نار تحرق .. بل تزيد جناني
عيناها كوكب طيشي خدها شمسي ..
وهمها .. يا عذابي .. طوق احزاني
فمهما ظلام ادوخ به ..
يا من يدوخ في لؤلؤ ومرجاني ..
يدها حرير .. حين المسه ..
ثلج يغازل ..في نجواه نيراني ..
شعرها .. ضجيج في صخب هادىء ,
يشاغب الليل ألوان بـ بالواني
والثلج منحوت الجمال بـ خصرها ..
يغري العيون .. مثلما اغواني ..
معكِ .. زماني لم يضع عبثاَ
وحروفي .. لم تكن نسياني
معكِ هواي لن يكون معصيه ..
بل صار عندي يا منى .. إيماني
هاتي يديك ياحياتي .. لـ نرتحل ..
فـ هذا المكان لن يعود مكاني ..
تالله اني يا زمان احبها ..
ولا شي عن درب الهوى ينهاني ..

مشاغبه صباحيه ..

مشاغبه صباحيه ,


.. يالله جنونك ملى قلبي ذهول وفكر ..
.... واحترت مدري .. شـ قدم لللاسئله من جواب ..
لا صار رمشك .. سيوف .. ونسمه انفاسك عطر ..
... وكحل عينك ليالي .. ومبسم شفاتك .. عذاب ..
وانا بين هذه وهذه .. مجنني القدر ..
... كيف يفتح لك من ابواب الحسن الف باب ..
لو كتب لي اكتبك ياغلاي بسطر .. !
... بذمتي لاتكون اول ... واخر كتاااب ..
كنت مثل الكواكب .. في الفضا مستتر .. !
... وجيت مثل الشهاب .. بس مو ايه شهاب .. !
انت مثل المدينه في حياه .. المنقهر .. !
.. لاضاقت الدنيا عليه .. و نوى الاغتراب , !
انت مثل السحاب .. لا حضن له مطر .. !
... وانا مثل المطر ... لاعشق له سحاب
يا انت .. مدري .. قبلك .. شنهو كان العمر .؟ !
... اعتقد كان غلطه .. للمسلم استغفر وتاب ..
هذا انته ... بعيني كل حياه البشر ..
... والناس بعدك حبيبي .. فص ملح وذاب .. !
يا انت .. قلي .. علام القلب .. لـ عينيك انجبر
... واحس ان انت الحقيقه ... وباقي العالم سراب ,
هو خطا مني .؟!! او اني اتعمد .. استعر ..؟
... او ان كل اخطائي معاك .. ببسحرك تحولها صواب ؟
يعني كل السالفه يا حبيبي .. خطر ..
... اما بموت من الوله ... والا بيذبحني الغياب
ما فهمت الامنيات .. الي اكتبها .. بـ شعر .؟!
.. كان حلم كنت اعيشه .. في حياتي ثم شاب ..!
لين جيت وكل شي في حياتي .. انسحر ..
.. من قلب شاب من السنين .. لـ قلب ينبض بالشباب
يااا هييه افهم ..!! والله احبك !! هذه ماتبغى فكر !
.. اما تردني للحياه .. والا توردني العذااااب .. !

في داخلي لك شي ..؟

مشاغبه بسيطه ,


في داخلي لك شي لي الحين ما مات ..
.... مدري علامه دايم الدوم فيني ,
يسكن في ذاتي .. وتبتديني علامات .
... واحن للماضي واناجي سنيني ,
لامن لمحته تبتدي الابتسامات .
واهيم بك .. عشق وغرام وحنيني ,
يا انت .. ليه القلب يعشقك بالذات ..
.. من دون خلق الله لقيتك ضنيني ,
القاك في نفسي بيوت وملاذات .
.. تمحي همومي الوقت لا ضاق فيني
بعينك .. مدينه .. تكتسي بالمسرات ..
.. وبعيني بقايا عشق .. تشكي أنيني ؟؟
ياعمر .. كل العمر بعدك حسافات ,
.. وياحب هاااك الحب .. شوفه بيديني ,
ابيك .. تحي الحب .. لو شوقنا مات ..
.. مابيك ... ترحل ... لا ذرفت دمعتيني ..

للجميع ,

وربي ديرة بطيخ !

صباح الخير ,
يقوم الناءب مسلم البراك بـ استجواب وزير الداخليه بسبب قضيه هدر مال عام بقيمه خمسه ملايين دينار ,
ويقوم الوزير قبل الاستجواب بـ احاله الموضوع للنيابه العامه , ويقول الموضوع بيد القضاء ,
ويلوح بالورقه بيده جدام الشعب الكويتي كله , ويقوم نواب يدافعون عنه برفع نفسه الورقه الي وزعها عليهم طويل العمر ويقولون لمسلم وربعه انتم قبليين , انتم تأزيميين , وخرده حجي , !
ويصير تصويت لطرحه الثقه ويصوت 30 عضو معاه بحجه ان الاحاله للنيابه كافيه .. !

بعدها بـ فترة يقوم الصحفي الوشيحي بـ نشر معلومات مذهله انه الاحاله لم تتضمن اي شي ولم تسجل اي قضيه وان الورقه الي كانت بيد الوزير خربوطه بـ خربوطه لان النيابه ردت على الوزير تقوله " الله يقطع سوالفك يابو نواف غشمرتك وايد ماسخه " وترد النيابه انه اصلا ماكو قضيه محاله .. !!

وترد وزارة الداخليه وياليت ماردت بقولها ان والله احنا مو مقتنعين باالاحاله لكم لكن شنسوي عشان ماتكون لحد حجه .. !
طيب وين المتهم بالقضيه .؟!!! احقق مع ورق مثلا .؟!!

ونرد حق الـ 30 , مادري اسميهم اعضاء او مادري ضميري ما يطاوعني ,, @
لانهم مادري شلون صوتوا مع الوزير بدون حتى ما يشوفون الورقه الي عطاهم الوزير !
والحين شوف تصريحاتهم ياليت ما صروحوا ..
نحن ضد الاحاله الشكليه , واحنا نطالب الوزير بتوضيح وخرده حجي .. !

وربي وربي وربي وربي !
هذه ديرة بطيخ !
حسبي الله عليكم حرقتوا الصيف علينا !
نلقاها من بيريز والا منكم !

ياليت ..

ياليت احزاني , زقاير ..

انفثها كم لحظه وتموت .. !

وياليت أيامي دفاتر , ..

صفحه اطويها وتفوت ..

وياليت احلامي اغاني ..

لحن , موسيقى , وصوت ,



كم تعبت اكتبك ولا القى صدى ..

وكم تعبت اعطشك ولا شفتك ندى ,

بين صفحاتك اشوفك دنيتي ..

ومن اقرب صوب صفحاتك ..

تروح , !

كم تمنيته غرامك , طير بسمايه يطير ,

وكم تمنيتك سجن .. وانا في وسطه أسير ,

كم تمنيتك وطن .. كم تمنيتك وطن .. !

بس انا فيه الامير , !

يااه .. شكثر الامنيات ,

ليه احسك وانت تضحك ,

كلك موسيقى واغنيات ,

ليه احس الليل طفلاً , وفي حضن شعرك

يبات ..

هذا حلمي فيك لكن ما حصل ,

وهذا حزني شوفه في الصورة اكتمل ,

ياليت احزاني زقارة ..
تعذبني كم لحظه .. وتموت ,

باك

ااه وينك , ياللي كل اشيائي تسالني عليك ..
من زمان عن البلوق , إن شاءالله عوده من جديد ,

بلادي يا بلادي

بلادي .. يابلادي .. عسى حزنك تلمينه ..
بعد كل التعب .. وش عاد يتحمل بعد قلبك ..
انا ادري التعب كله سبايب من تحبينه ..
زرعتي بقلبه الورده وزرع هالشوك في دربك ..
اماني تكتب للروح .. وللذكرى تنادينه ..
ولا تلقى سوى الاشواك.. منثورة على عشبك ..
تعبتي تحققي احلامه \ كله قصدج تناجينه ..
ولكن هييييف منهو الي يقدر في الزمن تعبك ..
يغنيك الانين الي على حزنه تغنينه ..
ولا تلقين اي شي .. يستاهل بعد طربك ..
عذر .. \ مصلحه \ غايه داخله فينا ..
عطش كافر \ ربا \ ظلم \ يااا ربّاه يا كذبك ..
عجيبه .. ! يحمل السكين .. ومن الفرحه تضمينه , !
غريبه حتى سكينه ... واهي بصدرك بعد تعجبك ..
ابفهم كيف نستوعب فعولك , واحنا بيدينه ..
قتلنا كل جمال ن فيك .. مع هذا ندعي حبّك ..

اسهر معي .. !

اسهر معي يا هاجري بس ليله . !
ليله .. تساوي ما فـ حياتي من اعوام .. !
ليله اعيشك داخلي يا دخيله ..
احياك فيها .. حب واشواق .. وانغام ..
اشكي بها هم الليالي العليله ..
الي احرمتني منك يا " حب "ايام .. !
ايام.... لكن في ضميري طويله .. !
احس فيها اليوم عن " باجره " * صام
شفني حملت الورد وبيدي اشيله ..
لعيونه .... الي ما بعد ليلها ضاام ..
ياليل تكفى ...؟! كيف ادوّر بديله .. !
لا صار درّة .... وباقي الناس أصنام ..
يا ليل ... ذكراها معاي الجميله .. ؟ !
في داخلي طيفه بعد تو ما نام ..
يا ليل .. خل الشمس ترتاح .. ليله ..
اعيش فيها العمر .. من بعدها " نام " .. !
ياليل .. مِن عمري ابي بس " ليله " !!
اعيش فيها ما بقالي مِن اعوام .. !

تدرين وش الي يقتل الحب ..؟

صباح الخير ..
..................... مشاغبه صباحيه جديده ..
ا............ اتمنى تكون خفيفه عليكم

تدرين وش الي يقتل الحب بالقلب ..
اني اعيشك داخلي ... حزن واهات ..
لما احسك صدق .. واعاشرك " كذب "
وتنزل دموعي من الاسى فيك عبرات ...
ياما نويت ابنيك في داخلي " نصب "
وتهدم بيديك الي بنيته بـ " نظرات "
نظرات .. ! تذبح خافقي لين ما " اسكب "
ماي المشاعر في عيونك ... " حسافات "
شوفي عطيتك كل ما يملك القلب ..
وانتي عطيتي القلب طعنات بـ سكات ..
الشوق فيني ماعرف للقا " درب "
والحزن يلقى في عيوني مسارات ..
ماعاد فيني " حب " يشتاق " للحب "
كل الي فيني حزن محتاج ... حسرات ...

وسلامتكم