شلون اهني فيك نفسي !! يكذبني حكايه ..
ساعديني .. ! قولي كلمه بعد كلمه ! بس علميني البدايه .. !
قول لي " قول " ! بس سكتي !
ويش اقول ! وانتي خليتي الحكي بكلمتك هذي .. شظايا .. !"
بس اسكت خـل اكمل ... قول أهني .. " بس سكتي !
إيش أهني ! وانتي خليتي الحكي ! وانتي خليتي الحكي بكلمتك هذي .. غنايه .. !
"بس اسكت ! خل اكمل ! قول فيك ... "
فيني ! انا ! شوق وغرام ! وجنون شوفيها ورايا !!
" بس اسكت خل اكمل .. قول نفسي ! "
شوفيها نفسي ! من كثر ماهي تحبك ! بتصير لـ جنونك مرايا !
" ااخ منك ! خـل اعلمك ! من جديد ! "
! انا !! انا ويني ! قومي دوريني معايا .. !
بس سكتي
كلمه بس وحده بقول .. " يالله قول "
" العيد أنتي وقلبي واشواقي " مدينه " ( سكانها ..) اقلبي وقلبك ....و القمر ..
( اسوارها ).. صدرك .. وصدري " ذاخرينه " لكل عاذل ودّه يسبب كدر !
(امطارها )دموعي اذا صرتي حزينه .. ( وشمسها ).. احساس .. من شوقه انفجر !
( رياحها ).. شوقك ... اذا صوّت .. " حنينه " ... من غيابي .. صارت انغامه .. " وتر "
! ( سماها ) لونها وردي !! تمطّر " ياسمينه " ( وارضها )0 .. زرقه .. تنبت لك .." درر " !
" اااخ منك ! كل هذا لي " !بس سكتي .. باقي كلمه !
( بيوتها ) بيض .. ( وشوارعها ).. من المرمر .. ( وانارتها ) من الولو ..( وفواكها ) من المرجان .. !
( نوافذها ).. من الزنبق ..( وخواتمها ) هي الابهر ! خليط من الجمال الكوكبي ! في " خنصرة " إنسان !!
( عصفورها ) يغني " احبك كل يوم أكثر ... " ( وعصفورته ).. تبدع كل يوم ألحان .. !
( كتابها )! انته ! وعيونك هي الاسطر .. ! ( وقلمها ) .. حروفي تناديلك أنا ولهان !!
( سريرها !)!صدري وحبك (فراشها ) الاطهر ! ولحافها .. شوقي ! يوشوش لك " انا بردان "
كبير الحب في قلبي ! ولكنك بعد اكبر !تعبت أجند حروفي ! وتعابتني " تراه جنان " !!
" ااخ منك ! شـ قول الحين !! ؟
"قولي احبك ! خلي تنزل من السماء قطرة !! تغيث حبي الملتهب من طيشت اشواقي
!يمكن تجي معها من السماء " فكرة ! "! فيها ابيّن لك حنين .. ساكن اعماقي !!
هناك 3 تعليقات:
هي مدينة وردية ..
هي مدينة عنفوانية ..
قد اسابق الرياح لها..
وقد يشلني عشقها..
فتحتويني كأنها طيف من
احلامي..
واعيش صفحاتها كأنها قصة من
خيالاتي ..
مدينة لن تكون إلا في آمالي (:
نعم نعم مدينه الامال ..
جميل تعبيرك ..
الأجمل النِهاية ..
و ما أجمل دفئها !
الاسترسال ممتِع
إرسال تعليق