الأربعاء، 13 أغسطس 2008

راي : )* والفكرة بين السطور




" لقد كتب عليّ ان احيا بـ نصفين , نصف يحترق في حياه الواقع , واخر ينمو ويكبر في خيالي , ويتنازعان دوما داخلي وهما بنفس القوة وكنت انا الكفه التي ارجح بها احد النصفين , وكنت طوال وقتي مترددا بل محايداً , حتى اعتقد ان صبيت مفسي مع الحق وبدت اعيش خيالي ورججت كفته " Cesc
لقد علمت ان الحياه مدرسه لكني ارفض هذا القول , الحياه ليست كذلك , لانها ببساطه ظالمه , ومن يعلم الناس ينشر الحكمه , ومن ينشر الحكمه لا يظلم ابدا ً , اعتقد ان الحياه اقرب ان تكون سجن كبير , لا نظام يتحكم فيه , بل ذكاء , والخيال هو حياه الانسان الحقيقيه .. ! , في الحياه نتأثر بما حولنا دائما بصورة سلبيه او ايجابيه وهذا يعني ان الانسان وهو المخلوق بـ اعجاز إلهي من الطبيعي ان يتفاعل مع هذه المؤثرات , وهي تحدد مصيرة .. !
انا اجزم بخطا هذا القول لـ عده اسباب , اهما حق الاختيار الذي اعطاه الله الانسان وحده دون غيرة من المخلوقات , فـ كل مخلوق مسيّر على الفطرة , والانسان مخيّر على الفطرة ,
فـ اذا كان الخيار لدينا لما نهتم بهذا المؤثرات إذا .؟!
اذا ملكت الخيار , ملكت نفسك , وعشت عالمك كما تحب , حينا سـ ترفض تلك المؤثرات الخارجه وتبدا تطبق خيالك على واقعك ,!

اول شي الاختيار , ان الواحد يسوي كل شي يبيه دامه يعتقد انه فيه راحته , طبعا انا ببتعد عن الدين في هالموضوع , سواء هالشي الناس راضيه عليه , رافضته , مو حابينه , مادري شنو , اي شي , لان الناس كـ طبع ما تقدر تسكر حلجها , ولو تسوي اي شي الناس هم بتظل تتكلم , وبالنهايه انته ماراح ترتاح لانك تحس انك مغصوب على شي ,
الغريب هني , ان بعض الناس ترفض هذه الراي جمله وتفصيل , لكن يمارسونه بالخفاء والدس , او بطريقه مختلفه سطحيه , بعدين ييون ويقولون هالشي غلط , هذه الناس مثل ما ذكرت فوق اول الجمله , تحيا بجزئين جزء يحترق وجزء ينمو , بس الجزء الي ينمو بالخيال قاعد ينمو بطريقه مو شرعيه ,
يعني شـ المشكله لما تسوي شي انته مقتنع فيه واترك الناس عنك , !
وانته بينك وبين نفسك تقيّم هالشي , تشوفه زين او مو زين , مضر او لا .. إلخ !
هذا اعظم حق لك في الحياه , اذا ضاع منك شبقى ماضاع .؟!!
ادري انه احنا بدوله لها تقاليدها وعاداتها لكن للاسف في الكويت قدسنا العادات اكثر من الدين نفسه ! فـ صار الواحد يتغاضى عن الدين يكون وضعه عند الناس شوي , لكن من يتغاضى عن العادات تقوم القيامه !
وبالاخير سواء بالدين او العادات , انته تخسر اختيارك !

الحين شوف نفسك شنو تبي .؟!! وجرّب مرة تسوي شي مقتنع فيه بشكل واضح امام نفسك , وشوف شعورك وقتها شـ بيكون .؟!
وعيش داخلك وخارجك مثل ماتبي , !

اممم هذا رايي او فلسفه شخصيه طبقتها وحيل ارتحت فيها ,

هناك تعليقان (2):

غير معرف يقول...

welcome back

missed you :)

Cesc يقول...

يا هلا والله
عودة قصيرة , ايام وارد اسافر بعد : )
ما تفقدين غالي