السبت، 19 ديسمبر 2009

زقاره \ صباح الخير : )*




زقارتي .. لا صار هالوقت ضدّي
... بدخّنك .. وإنتي بعد ... دخنيني ..
يا اللغرابه .. !! انتي وحدك بيدّي .؟!!
... انتي وحدك .. تسمعي هـ الانيني ..
شنو سمعتي .؟ غير أهااات خدّي ..
... شنو سمعتي .؟ غير زفرة .. حنيني ..
ياناري الجنّه .. انا الحيين .. وحدّي ..
... اواجه الدنيا .. وسلاحي .. إيديني ..
بعطيج حزن .. فاق .. يا نار .. حدّي ..
... وانتي الوحيده .. بـ هالزمن .. تفهميني ..
لا صرت مخلوق .. مؤدب ..و ودّي ..
... وولا فيه انسان جرحته.. بيميني ..
وش استفدت الحين والناس ضدّي ..
....غير الملام ... وكلمته ... تحتويني ..
في هالزمن لا تصير انسان "
وردي "
... دام البشر كلهم .. .................... مسوّديني !

زقارتي .. كل الطرق لك .. تؤدي ..
... انتي الملاذ .. في هالزمن يحتويني ..
بدخنك بلذّه جنون .. وتحدّي ..
... وانتي بعد .. يالغلا .. دخنيني ..


وصباح الخير : )*


هناك 24 تعليقًا:

الغدوف يقول...

همسة
لا تقل يارب عندي هم كبير ولكن قل ياهم لي رب كبير

"فصبرٌ جميل والله المستعان "

في جعبت الحياة كنوز وفي الطريق الصخور وبين الأشواك الورد وفي حموضة الليمون انتعاش والمطلوب وقت وصبر وتبصرة وحيلة لا تُغلب

كلمات جميلة متسلسة
متوجة بالإحساس فارهة المعنى
يعطيك العافية

صباحك أبها

حَافِـيَةُ الَقَدمَيّـنْ ولِبَاسِي المَطـرْ يقول...

اول امس كنت اتكلم مع وحده
ويبنا طاري التدخين
تقولي انا اعتبر المدخن إنسان غبي
حشى السامع
قلتلها
ماتقدرين تقولين عنه غبي ,
الانسان ما يلجأ حق التدخين الا لسبب
أو نقص
في شباب يدخنون يبون يتدفون
وناس تدخن لما تكون متضايقه وما تلقى احد تفصفض له
طبعا انا ما أبرر هالشي ..
لكن لكل فعل مسبب
..
كلماتك حسستني بمعنى الزقاره
بنظر الرجل
فما راح يختلف اثنين
إنك ابدعت بهالبوست

اقصوصه يقول...

لهالدرجه مدمن عليها

عاشقنها وتتغزل بعد فيها؟

اخ بس لو اعرف

انتوا المدخنين شو احساسكم

يعني شو الشي الحلو بالتدخين؟

والا بس انتوا تدورون ع اي شي

عشان تحرقونه...حتى لو حرقتوا انفسكم

بس المهم تحرقون..وتستمتعون

بمنظر الدخان!

غير معرف يقول...

يالروعة كلماتك!!!


في مثل هذا الوقت من الظهيرة

وأنا اختبيء عن حشد (الزوارة )

اجد طعم مختلف بزقارتك!!!

رغم اني لم ادخنها.....



... اواجه الدنيا .. وسلاحي .. إيديني ..
بعطيج حزن .. فاق .. يا نار .. حدّي ..
... وانتي الوحيده .. بـ هالزمن .. تفهميني ..
لا صرت مخلوق .. مؤدب ..و ودّي ..
... وولا فيه انسان جرحته.. بيميني ..
وش استفدت الحين والناس ضدّي ..
....غير الملام ... وكلمته ... تحتويني ..
في هالزمن لا تصير انسان " وردي "
... دام البشر كلهم .. .................... مسوّديني !




هنا ...


اكملت نصفي الآخر



فكن بخير


وزقارتك التي خلقت دخان الكلمة





فكن بألف خير



ودّي

[MaDry-Shakw~] يقول...

روعة


كالعادة (:

s0s0 يقول...

زقارتي دنيتي

دخانها لوعتي

وجمرها ضيقتي
.............

جيبها زقاره وطفي همومي
واذا على الشفايف بحمره اوردها

غير معرف يقول...

صباح الخير ..ومساء الخير ...

مبدع يا حارق السيجاره ...

فقد صنعت منها وطن أخر محسوس شعرت به من زاويه أخرى ...

مبدع ...(:

Engineer A يقول...

الكلمات رائعة لا شك بذلك ..


واتمنى لك الشفاء من هذا الداء .. من أجل صحتك .. شبابك .. وتمردك :)

تبل مروري

غير معرف يقول...

لا تلوموني احبها

حبها بقلبي ذبحني

كل شي فيني عجبها

وكل شي فيها عجبني

لا تلوموني يا عالم

صارت اهيا في حياتي

حب وحتى الحب ظالم

ما يبين لي غلاتي

ان خطيت إلا عتبها

لا تلوموني احبها

لا تلوموني كفاية

حسوا بقلبي عشاني

لو تعرفون الحكايه

ولو تكونون بمكاني

كل من فيكم يحبها

زقارتي الجميلة

الوتيــــــــــن يقول...

أشعر بك تستنشقها .. تزفرها فتخنقها بين أصابعك .. وتهرسها بعدما تأتيك فكرة تنثر قلبها بظهر المنفظة.. وتذهب
هي تنفس همك .. وأنت تهرس همك بها لتخرج بحل هو موجود أصلاً لكنك تفضل أن تشارك بها السيجار


وسؤال يقرعني : لماذا تبعدون السجارة قليلا فتنظرون إليها ثم تتبعون دخانها للأعلى بعدها تعودون للواقع أمامكم؟ أرى هذه الحركة كثيرا ... بما أن بوستك مليء بالدخان والذي (my big secret) أحبه أو اعتدته لأنه يذكرني بالأحباب وانفاسهم...

وسؤال اخير لم الحزن!!!

ميمة السبيت يقول...

** ماشاءالله شنو هالكلمات الحلوة تبارك الرحمن

انا اقول دام الزقاير بتطلع هالكلام الحلو لاتوقف

ايه نسيت صباح الخير :)

Cesc يقول...

الغدوف ,
تسلمين ع الدعاء ,
والتعليق ,
لـ حضورك عصافير تغني لك : ))

Cesc يقول...

حافيه القدمين ..

للدخان معي علاقه مختلفه جداَ , غامضه او ربما لا يفهمها البعض ,
تسلمين ع المرور الجميل كـ العاده

Cesc يقول...

اقصوصه
احترم رايك ,
مثل ماقلت علاقه خاصه
تسلمين ع التعليق

Princess Sarah يقول...

يا اللغرابه .. !! انتي وحدك بيدّي .؟!!
... انتي وحدك .. تسمعي هـ الانيني

:

الله
كم أعشق الحروف .. عندما تعزف قرائتها موسيقى جميلة
جذّابة

في غاية الصدق
في غاية الجاذبية .. هذه الكلمات

:

أيقظت ما كان ينام بـ داخلي :)

Cesc يقول...

سله
ياهلا والله ياهلا .,.
تسلمين والحمدلله اممم سويتي شي مهم وانقذتج .
اامممم لا ما انصحج فيها بصراحه
وتسلمين ع الكلام الحلو

Cesc يقول...

مادري شكو
تسلمين ع المرور
الابداع وجودك

Cesc يقول...

سوسو تسلمين ع المجاراه
وحياج الله

Cesc يقول...

ذات الابداع تواجدج
والوطن الاصلي لكلماتك , وما كلماتي سوى مستوطنات تبحث عن وطن ..
دمتي

Cesc يقول...

مهندستنا
اهلا وسهلا شلون الاجازة .؟

تسلمين وامين يارب ..

Cesc يقول...

غير معرف ,
مشكور ع الحضور الطيب
دمت معروف : )*

Cesc يقول...

الوتين ,
يشاركنا بها السيجار لانه الوحيد الذي يشتعل من اجلنا , ..


بخصوص السؤال ,
في بدايه المدونه وعنوانها رئيسي بيت لي يوضح ويجيب على تسائلك ,
ما عدت انا املك غير الادخنه ..

تسلمين ع المرور الجميل ..

Cesc يقول...

ميمه السبيت
لا اوقف شنو تدخين والا شعر .؟
هههه

مشكورة ع المرور الجميل
دمتي

Cesc يقول...

سارة ,
اتمنى اني لم ازعجك بـ ايقاضي لـ دواخلك ..
دمتي زائرة