يمّاي .. يا يمّاي .. \ لها فقط ..

يمّاي .. يا يمّاي ..
... الف كلمه بقول .. وتسكت شفاي ..
احس من تطلع حروفي على لساني ..
... بسرعه يسبقها .. بكاي ..
يمّاي ..
يا جنه الارض ..
واحلامي .. ومناي ..
يمّاي
احس اذا جيت اكتبك ..
... والله تنكرني .. يداي ..
ترجف معك .. ما كنها ..
الي دوم .. تكتبني معاي ..

يمّاي ..
معك .. والله يختلف ..
حتى طعم الماي ..
حتى الهوى بحضنك يايمّه ..
يختلف .. حتى هواي ..
حتى هواي ..

كل ليله .. عندي بعمر ..
لو تقعدين معاي ..
ومن ايدك الحلوة الصبح ..
احلى استكانه .. " شاي "


معك والله الشعور .. " شعور "
... معك كل الثواني ..
" نور "
مثل الكواكب انا ..
وعلى حضنك .. بس ادور ..
صرتي المدينه .. ليّه ..
وظلوعي يمّه .. " سور "

ياللي هواها " طهر "
... وقربك .. جميع أحلام ..
تضحك .. وينزل مطر ..
... لو جافت الايام ..

يا يمّه والله تعبنا ..
ما عندي والله احساس ..
كيف اوصفك بحروف
كيف اجيب الارض .. ..
وانتي اطهر من عليها ..داس ..


مصيبه لم تجي تكتب وتكتب وتكتب وتتعب
ماتلقى حجي ..
حاولت اكتبها من اسبوع كامل عليها ..
بس لان اليوم اخر يوم ..
نزلتها ..
اتمنى التعليق يكون دعاء لـ امهاتنا وامهاتكم والاباء بعد ..
يارب احفظهم , اخفظهم ,
واطل بـ اعمارهم , وارحم من توفى منهم , واجل الجنه مثواهم ..
ياربي ارحمهم , مثل ما ارحمونا ,
استرهم مثل ما استرونا ,
ياربي عافهم ب، عافيتنا ,
وزدهم عمر من اعمارنا ,
ياربي اجعل يومي قبل يوم امي ,
ياربي اجعل يومي قبل يوم امي ..