صباح الخير ,
يقوم الناءب مسلم البراك بـ استجواب وزير الداخليه بسبب قضيه هدر مال عام بقيمه خمسه ملايين دينار ,
ويقوم الوزير قبل الاستجواب بـ احاله الموضوع للنيابه العامه , ويقول الموضوع بيد القضاء ,
ويلوح بالورقه بيده جدام الشعب الكويتي كله , ويقوم نواب يدافعون عنه برفع نفسه الورقه الي وزعها عليهم طويل العمر ويقولون لمسلم وربعه انتم قبليين , انتم تأزيميين , وخرده حجي , !
ويصير تصويت لطرحه الثقه ويصوت 30 عضو معاه بحجه ان الاحاله للنيابه كافيه .. !
بعدها بـ فترة يقوم الصحفي الوشيحي بـ نشر معلومات مذهله انه الاحاله لم تتضمن اي شي ولم تسجل اي قضيه وان الورقه الي كانت بيد الوزير خربوطه بـ خربوطه لان النيابه ردت على الوزير تقوله " الله يقطع سوالفك يابو نواف غشمرتك وايد ماسخه " وترد النيابه انه اصلا ماكو قضيه محاله .. !!
وترد وزارة الداخليه وياليت ماردت بقولها ان والله احنا مو مقتنعين باالاحاله لكم لكن شنسوي عشان ماتكون لحد حجه .. !
طيب وين المتهم بالقضيه .؟!!! احقق مع ورق مثلا .؟!!
ونرد حق الـ 30 , مادري اسميهم اعضاء او مادري ضميري ما يطاوعني ,, @
لانهم مادري شلون صوتوا مع الوزير بدون حتى ما يشوفون الورقه الي عطاهم الوزير !
والحين شوف تصريحاتهم ياليت ما صروحوا ..
نحن ضد الاحاله الشكليه , واحنا نطالب الوزير بتوضيح وخرده حجي .. !
وربي وربي وربي وربي !
هذه ديرة بطيخ !
حسبي الله عليكم حرقتوا الصيف علينا !
نلقاها من بيريز والا منكم !
هناك 3 تعليقات:
صباح الخير
حده الوضع صاير ملخبط
من كثر الاخطاء مانقدر نميز بين الخطا العظيم والخطا الاعظم
مشكور سيسك
والله مو ديرة بطيخ بس من أمن العقوبه اساء الادب للاسف .
ملاك
هلا والله ,
فعلا الوضع لخبطه واشكرك ع المرور
معمعه ,
والله ياخوي كلنا نقول جذي بس شتسوي اذا العقوبه غايبه كليا .. اكيد بتصير بطيخ ,
وقواك الله ومنور
إرسال تعليق