الجمعة، 9 أكتوبر 2009

يصير اتفلسف شوي ؟



احلى شي لما تكون قاعد بين شله مساطيل ,
بخيمه كلها دخان , ووكل واحد يقول فلسفته عن الحياه ,
وباي عين يشوفها .؟ وكيف يشوفها .؟
كانت الاراء بجد منطقيه .. وبجد مضحكه ..
تمنيت اي واحد حزين كان ويانا في هالجلسه ,
اجزم انه بيطلع بثوب جديد للحياه : )*


ليش تزعل !! والحياه كلها طريق ...
طريق مظلم بس مصباحه " الامل " !
عمر الالم ما يمحي الجرح العتيق .,., !
وعمر الشموس ما ليّنت جأش " الجبل "
لو تستحي الدنيا من دموع الغريق ..
ما خلّت الدمعه على خد الطفل !
لاتفهم الدنيا على المعنى العميق ..
افهم الدنيا على المعنى السهل ..
اسكر بنشواتك وعلك ماتفيق ..
ما حد ن فينا بـ يعيش للازل ..
والحزن لو هاجم القلب الرقيق ..
يطلع شعاع " الفرح " يعطيك الامل .
الاماني بدونها الدنيا تضييق ..
لولا الاماني ما احد ن فينا وصل ..
عيش يومك / طيش / وجنون / وبريق...
وابني احلامك من أضغاث الرمل ..
شوفني من قمه احزاني " أنيق "
والله ان قلبي من احزانه ثمل ..
بس بسمتي من فسحه احلامي " تويق "
فيها انسى ما بـ حياتي من فشل ..
هذه الحياه كلها ظلمه طريق ..
تضييع فيها لو حسبت انها ملل ..

شرايكم بفلسفتي : )*
يصير اتفلسف مو ؟

هناك 12 تعليقًا:

ريانة العود يقول...

لاتفهم الدنيا على المعنى العميق ..
افهم الدنيا على المعنى السهل ..


ماشاء الله عليكـ
السهل الممتنع!

رائع جدا بفلسفتكـ
وجان الفلسفه بتطلع لنا جذي كلام!
تفلسف

<< مستانسه انها اول تعليق!


Cesc

طلبتك!

دعواتك لنا بالانتخابات الاحد والثلاثا ان شاء الله


<< تقول مو شي تطلع ضدنا ههههههه

YusuF.AsKR يقول...

هههه

صح لسانك عالفلسفه الحلوه (:

يعني جمعت بين الفلسفه و الحكمه (:

تدري شلووون

تفلسف كل يوووم هههه

بوونسواار

هيفاء عبده يقول...
أزال المؤلف هذا التعليق.
هيفاء عبده يقول...

رائع ..حين تثار من الفلسفة الحكمة
كثير عجبتني كلماتك
اهنيك عليها

الجزء هدا عجبني كثير
(والحزن لو هاجم القلب الرقيق ..
يطلع شعاع " الفرح " يعطيك الامل .
الاماني بدونها الدنيا تضييق ..
لولا الاماني ما احد ن فينا وصل )..

/

قمة التفاؤل والامل فيها

دمت متألق

حَافِـيَةُ الَقَدمَيّـنْ ولِبَاسِي المَطـرْ يقول...

موو
فلسفتك رائعه
كنت كاتبه خاطره , فيها نوع من اليأس ..
لكن كلماتك بتخليني أغير فيها أشياء
فشكراً لك :)

امراةٌ حُبلى بالعشقِ ، يقول...

تمنح كل نبض مغردٍ نغما
و صرتَ للحياةالعسرة فَما
و صرتَ لذات الخير دما ..
-
ركاكة الحبر ذنبي
بعد انقطاع ..
-
دمتَ بحبّ تنبض

princess adadi يقول...

اي تفلسف وكثر من فلسفتك ^^

خوش تفلسف .. يعطيك العافية اخوي :)

aL-NooR . يقول...

نفس روح آخر بوست لي
يا حلو التفلسف ..


:)
***************

sweetya يقول...

عمر الالم ما يمحي الجرح العتيق .,., !


<< معاك حق بهالجمله وعمر السنين ماتغير من الجرح


لو تستحي الدنيا من دموع الغريق ..
ما خلّت الدمعه على خد الطفل !


هي قوانين الحياه لازم فيها حزن

لاتفهم الدنيا على المعنى العميق ..
افهم الدنيا على المعنى السهل ..


<< حتى لو فهمناها بالمعنى السهل تتوقع مايكون فيها حزن !!!!



والحزن لو هاجم القلب الرقيق ..
يطلع شعاع " الفرح " يعطيك الامل .

<< من رايي قمه التناقض هالبيتين دام القلب رقيق راح ينجرف ورا احزانه شلون تبي شعاع الفرح يعطيه امل دام اهو ضعيف !!!!


الاماني بدونها الدنيا تضييق ..
لولا الاماني ما احد ن فينا وصل ..


<< لولا الاماني ماحزن القلب لأن مو كل امنيه تتحق بعض الامنيات تحطم صاحبها لو ماتحققت


بس بسمتي من فسحه احلامي " تويق "
فيها انسى ما بـ حياتي من فشل ..
هذه الحياه كلها ظلمه طريق ..
تضييع فيها لو حسبت انها ملل ..


<< البسمه صح تكون ظاهر عالشفه بس من داخل الحزين يمون الف مره والناس عبالها ان هالحزين بقمه السعاده ويحسدونه على هالبسمه واهما مايدرون !!

وصج الحياه كلها ظلمه طريق






يعطيك الف عافيه وسوري على تعليقي بس اللي ايده بالماي مو مثل ايده بالبحر ومثل ماقلت انت فوق اللي قلبه ضعيف اهو اللي يتغلب عليه الحزن

غير معرف يقول...

والله فلسفه مبدعه امتعتني كثيرا ...(:
شكرا لك بحجم السماء ...

عقدة المطر يقول...

فلسفة جميلة ..
فالدنيا كما تحتاج العمل والجهد
فالحياة ابتسامة لطف وفرفشة
اضحك تضجك لك الدنيا والحزن ابدا مايعمر بيت
بس مايعني انك تنسى طريقك الصحيح
الأهم أنك
تبتسم صح
وتضحك صح
وتعيش صح

أتعلم أيها الذة المجنونة ..إن قراءت أشعارك هو فرفشة وابتسامة وفرح
فلا تحرمنا من الفلسفة :P

خالص مودتي أخي ..

lilly يقول...

خوش كلام .. صراحه يخلي الواحد يتفائل بالأفضل

يازتلي فلسفتك :)