الأربعاء، 29 سبتمبر 2010

اعترف ما عاد تغريني المدينه , مساء الخير ..

الى الروح ..


واضحه الليله .. ملامحك الحزينه ..
... من دموعك .. اشتكى .. حتى الحجر ..
من بقالك .. في زمانك .. ترتجينه ..
... وانتي اقرب شخص .. من قلبك غدر ..
ما بقى لك .. من زمانك .. تملكينه ..
... الا رحمه رب ... وشويّه .. صبر

اعترف ما عاد تغريني المدينه ..
... دام كل الناس فـ عيوني .. حجر ..
ابخطفك .. ونروح .. في اقرب سفينه ..
... ابتخذ وياج .. هالليله .. السفر ..
يالله .. ندور عن امانينا الثمينه ..
... عن قلوب تحب من بطن وظهر
عن أمال تعيش .. في لحظه سكينه ..
... وعن حلم .. يتحقق .. من اول سطر ..
عن جنون ن ... lما يعيّب حاملينه ..
... عن طهارة .. ما يجاريها .. طهر
نبتسم للطير .. لا غنى لحينه ..
... ونحتفل للبذرة لا صارت ..شجر ..
نرقص ولا جنه .. البشر شايفينا ..
... ونبدع وتكافنا سمانا .. بالمطر ..
يالله ارقصي لي .. يا امانينا الحزينه ..
... هذا يومك ... مابقى لصمتك عذر ..

هناك 14 تعليقًا:

غير معرف يقول...

كلامك وايد حلو يعطيك العافيه
وموفق

Engineer A يقول...

صج صج اشتقنا لكلامك!!

الحين بس حسيت ان احنا كنا فاقدين هالمدونة الرقيقة واحنا ما ندري ..

ما بقى لك .. من زمانك .. تملكينه ..
... الا رحمه رب ... وشويّه .. صبر
اعترف ما عاد تغريني المدينه ..
... دام كل الناس فـ عيوني .. حجر ..

------

عن أمال تعيش .. في لحظه سكينه ..
... وعن حلم .. يتحقق .. من اول سطر

-----
كلمات رائعة

~أم حرّوبي~ يقول...

من بقالك .. في زمانك .. ترتجينه ..
... وانتي اقرب شخص .. من قلبك غدر .

اي والله من بقى !!

*تدري أفتقد الشعر العامي في المدونات ..الخواطر رغم إني أحبها احتلت عالم التدوين وقلما أشوف شعر عامي اللي يستهويني ..ولكن مدونتك أرضت حبي للشعر :)

لا حرمنا الله من هالكلام ..قواك الله ^^

حَافِـيَةُ الَقَدمَيّـنْ ولِبَاسِي المَطـرْ يقول...

شتان مابين الموهبة الفطرية , والتعود على امتهان هواية ما

في كل كلمة تُكتب هنا , قصة
ولكل جملة تنسجها , رواية
وبكل خاطرة تشعلها , قنبلة

أعجز عن التعبير ليس إلا !

أبوطلال الحسيني يقول...

راااائــــــــــع..
كم أعشق الكلمات التي تدندن على وتر الخيال من مثل :
ابخطفك .. ونروح .. في اقرب سفينه ..
وما بعدها رائع بحق
والرومنسية كثير منها خيال
عشت كلماتها وطربت بها..
شكراً لإمتاعنا.

Ayamee يقول...

ولكم باك =)

جميل أن نرى من جديد ما تسطره هنا

قواك الله ;*

Fishah يقول...

كلمات رائعه

الله يعطيك العافيه

:)

Cesc يقول...

كركور ,
يعطيك العافيه ابوي
ومشكور ع المرور ..

Cesc يقول...

انجنيرا ,
حتى المدونه اشتاقت لمرورك العطر ..
تسلمين ,

Cesc يقول...

ام حروبي ,
تسلمين ع الاطراء هذا ,
اتمنى انه نكون على قد الذائقه ,

Cesc يقول...

حافيه ,
لطالما عرفتي رايي في حضورك .
كنتي مثل المطر واجمل ,
تسلمين ع المرور ..

Cesc يقول...

ابو طلال
تسلم ع مرورك الاول ..
لاتحرمنا المزيد من المرور ..
حيااك

Cesc يقول...

ايامي ,
يسلمك ربي ,
حياك اللله ,
لاتحرمينا مرورك ,.

Cesc يقول...

فيشاه ,

تسلمين ع المرور ,
حياك الله ..