الثلاثاء، 5 أكتوبر 2010

خربشه - مساء الخير ..


  • ابكتبك .. بـ احساس وشعور .. ثاني ..
    ... واتنفسك .. للصبح .. للعصر ... للليل ..
    واخلي مساراتك .. ورود وامااني ..
    ... واملي بريدك .. من حروف ومراسيل ..
    .. قلتي لي اكتب .. .؟ قلت ها الحرف .. عاني..
    ..... يعجز يعبر .. كيف يحويك .. تحليل ..
    انتي جمال ن ... بالحسن . احتواااني ..
    ... .... يملى مداراتي .. عبير وقناديل ..
    لا تعتبي لا قلت .. ليلك .. ملاني ..
    ... باطهر شعور يمر .. جيل .. ورا جيل ..
    السيل وجهك !! لا لمحته .. غزاني ..
    .... وش حيله الزهرة اذا واجهت سيل .؟


    ....

    لا تساليني كبف انا احبك .. وليه .؟
    ... اسالي الليل .. ليه حب القمر .؟
    لا صرت جنه .. وكل شي تحتويه .؟
    ... كيف ابصبر .. وانا ما املك صبر ..
    تكتسي بالحسن .. من امه وابيه ..
    ... وتسرقي من الزهر .. كل الزهر ..
    العمر لحظات نحياها .. بتيه ..
    ... وانتي لحظاتك .. تساويلي عمر ..
    يتنفس وجهك الصبح .. ويبيه ..
    ... ويتغزل فيه .... هالروج الحمر ..
    و االليالي ما إ تزيّن .. إألا فيه ..
    ... غير وجهك ما بقى لـ بدره " بدر "
    كنه مخلوق مثل ما انا ابيه ..
    ... سبحانه الي على وجهك قدر ..



    وتمسون على خير : )*

هناك 8 تعليقات:

~أم حرّوبي~ يقول...

خلص الكلام شو أقول بعد...الحلو باسلوبك انك دايما تنوع ..وماحس اني قريت مثل نمط كلامك ..
لك أسلوب مميز ..حافظ عليه وطوره :)

تحية مسائية لمشاعرك الراقية ~

سلة ميوّة يقول...

عوده حلوة
وخربشات احلى


اشتقنا


مساء الورد

حَافِـيَةُ الَقَدمَيّـنْ ولِبَاسِي المَطـرْ يقول...

كنه مخلوق مثل ما انا ابيه ..
... سبحانه الي على وجهك قدر ..


:)
كُلّ مرةٍ تُجرمُ بالحرف !
ولا أجدُ غَيرَ خاطري
أقيمُ عَليهِ حدَّ القصاص
" قِصاص إعجابي "

~حَدِيـثُ الفَـجْـر~ يقول...

هم قليل الذين احب ان اقرأ منهم الشعر و الخواطر باللغه العاميه ..
بعد هذا النص الاكثر من رااائع .. اسجل اعجابي الشديد بما خط هنا .. بل بالمدونه باكملها :)

جميل جدا جدا النص :)

مساااك خير
^_^

Cesc يقول...

ام حروبي ..
اخجلتني والله ..
ان شاءالله نتطور ,
تسلمين

Cesc يقول...

سله ميوة ,
تسلمين ع المرور ,
حياج الله ..
مسائك ورد

Cesc يقول...

حافيه ..

والله رودوك تسعدني كثير ..
تسلمين ..

Cesc يقول...

حديث الفجر ,
تسلمين ع الاطراء ,
شكرا لاني احتللت مكان لديك ..
تسلمين ..