دايم صباح الخير .. من شفتك " غير " \ مداعبه جديده ..

.. الصبح بعد مواجهك .. نكهته " غير "
... دايم احسّه .. يحتفيني بـ حنينه ..
دامك صباحي .. اكيد .. إن صبحنا " خير "
... ودامي .. احبك .. وش بقى تطلبينه .. ؟
كلمه صباح الخير ..من مبسمك .. " طير "
... طار بسما شوقي .. ومصير بـ إيدينه ..
إنتي مثل ورده .. تعانق .. نواوير ..
... وانا مثل نحله .... عشقت ياسمينه ..
تغار .. واسكت .. " اممم مِن حقها تغير " ..
.. غيرتك تسوى .. يا ملاذي .. مدينه ..
أشغلت نفسي بين .. فكرة وتفكير ..
... شلون اعبر عن هوى ... تعرفينه ..
ودي اعبر .؟ بس .. يكفيك تعبير .؟
... ويرضيك حبّا بالحشا .. شايلينه ..
لو ينكشف قلبي .. وتشوفيه تصوير ..
.. وتنكشف كل المعاني .. الثمينه ..
كان البشر في عيونك الثمله .. " تصير " ؟
... مثل الرمل .. بالقدم .. دايسينه ..
ويمكن يصير الكون في عيونك .. " صغير "
...و بين ايدينك .. يالغلا .. تحبسينه ..
دايم صباح الخير .. من شفتك " غير "
... هذا صباحي فيك .. لو تفهمينه ..